Самарқанд давлат университети ички тартиб-қоидалари самарқанд 2020

---

САМАРҚАНД ДАВЛАТ УНИВЕРСИТЕТИ 
ИЧКИ ТАРТИБ-ҚОИДАЛАРИ 
 
САМАРҚАНД 2020 

---

2 
САМАРҚАНД ДАВЛАТ УНИВЕРСИТЕТИ 
ИЧКИ ТАРТИБ-ҚОИДАЛАРИ 
 
I.
 
Умумий қоидалар. 
1.1. Самарқанд Давлат университети ички тартиб-қоидалари Ўзбекистон 
Республикасининг “Таълим тўғрисида”ги Қонуни, “Кадрлар таёрлаш миллий 
дастури”, Ўзбекистон Республикаси Меҳнат Кодекси, Ўзбекистон Республикаси 
Президентининг 
Қарорлари, 
Фармонлари, 
Фармойишлари, 
Ўзбекистон 
Республикаси 
Вазирлар 
Маҳкамасининг 
олий 
таълим 
тизимини 
такомиллаштиришга йўналтирилган қарорлари, фармойишлари, Ўзбекистон 
Республикаси Олий ва ўрта махсус таълим вазирлигининг норматив-ҳуқуқий 
ҳужжатлари, шунингдек, Ўзбекистон Республикаси Адлия вазирлиги томонидан 
1999 йил 14 июнда 746-тартиб рақами билан рўйхатга олинган “Корхона, 
муассаса, ташкилот ички меҳнат тартибининг намунавий қоидалари”га мувофиқ 
ишлаб чиқилган.
1.2. Самарқанд Давлат университетининг (кейинги ўринларда матнда муассаса 
деб юритилади) Ички тартиб-қоидалари:
а) ходимларга нисбатан меҳнат шартномасини тузиш, ўзгартириш ва бекор 
қилишни, иш вақти ва дам олиш вақтидан фойдаланишни;
б) талабалар, докторант ва мустақил изланувчилар, тингловчиларга (кейинги 
ўринларда матнда таълим олувчилар деб юритилади) нисбатан: ўқиш жараёнини 
ташкил этишни, уларни ўқишга қабул қилишни, бошқа таълим йўналишига 
ўқишини кўчиришни, қайта тиклашни ва ўқишдан четлаштиришни, ҳомиладорлик 
ва ундан кейин бериладиган таътилларидан, бола парваришлаш таътилларидан 
фойдаланишни, меҳнат ва ўқув интизомини, иш берувчи билан ходим ҳамда 
таълим олувчилар ўртасида юзага келадиган бошқа ҳуқуқий муносабатлар билан 
боғлиқ масалаларни тартибга соладиган асосий норматив ҳужжат ҳисобланади. 
1.3. Қоидалар университет бошланғич касаба уюшмаси қўмитаси билан 
келишиб, ректор томонидан тасдиқланган кундан бошлаб кучга киради ва амалда 
қўлланилади. 
1.4. Қоидаларга риоя қилиш иш берувчи, ходим ҳамда таълим олувчилар учун 
мажбурий ҳисобланади, уни бажармаслик қонунчиликда белгиланган тартибда 
жавобгарликка тортиш учун асос бўлиб хизмат қилади.