«Сайлов қонунчилиги такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги ЎРҚ-670 Ўзбекистон Республикаси қонуни тузилиши

УСК раиси ва ички ишлар идоралари ходимларининг ОСК биносига етиб бориши учун транспорт воситаси билан таъминлаш.

Округ сайлов комиссиялари томонидан сайлов округи бўйича сайлов натижалари тўғрисидаги баённомаларни ички ишлар идоралари ходимлари кузатувида Марказий сайлов комиссиясига олиб бориб топширилишида кўмаклашиш:

Муддат: 2021 йил 24-25 октябрь.
ОСК раиси ва ички ишлар идоралари ходимларининг МСК биносига етиб бориши учун транспорт воситаси билан таъминлаш.

Сайлов кампанияси даврида халқаро кузатувчилар ва ташкилотлар билан ишлайдиган штаблар ташкил этишга кўмаклашиш:

Муддат: 2021 йил 1 сентябргача.
1. Штабларга бинолар ва заруратга қараб транспортлар ажратиш.
2. Зарур оргтехника, жиҳозлар ва канцелярия товарлари билан таъминлаш.
3. Халқаро кузатувчилар ва ташкилотлар билан ишлайдиган кузатиб борувчи шахслар ва кўнгиллилар (волонтерлар) ўқитишини ташкил этишда кўмаклашиш.

Сайлов кампанияси даврида халқаро кузатувчилар ва ташкилотлар билан ишлайдиган кузатиб борувчи шахслар ва кўнгиллилар (волонтерлар) – Ўзбекистон вакиллари ишига кўмаклашиш:

Муддат: Сайлов кампанияси давомида.
1. Халқаро кузатувчилар ва ташкилотлар билан ишлайдиган кузатиб борувчи шахслар ва кўнгиллилар (волонтерлар)ларни меҳмонхоналарга жойлаш.
2. Уларнинг сўровига биноан:
- диққатга сазовор бўлган жойлар билан таништиришни ташкил этиш;
- маъмурий-ҳудудий бирлик ҳақидаги ижтимоий-иқтисодий ривожланиш бўйича маълумотларни олишида кўмаклашиш.


6-мавзу
Сайлов округи ва участкаларини ташкил этиш,
округ ва участка сайлов комиссияларини шакллантириш


Округ ва участка сайлов комиссиялари аъзолигига номзодлар танлаш:
Муддат: 2021 йил 15 апрель.
Номзод танлашда қуйидагиларга эътибор қаратиш лозим:
1. Йигирма бир ёшга тўлган, ўрта ёки олий маълумотга, қоида тариқасида, сайловга тайёргарлик кўриш ва уни ўтказиш борасида иш тажрибасига эга бўлган, аҳоли ўртасида обрў-эътибор қозонган фуқаролар бўлиши;
2. Бошқа сайлов комиссияларининг аъзолари, сиёсий партияларнинг аъзолари, вилоят, туман ва шаҳар ҳокимлари, прокуратура органларининг, судларнинг мансабдор шахслари, номзодларнинг яқин қариндошлари ва ишончли вакиллари, шунингдек номзодларга бевосита бўйсунувчи шахслар бўлмаслиги;
3. Участка сайлов комиссияси аъзоларининг ярмидан кўпи битта ташкилотдан тавсия этилиши мумкин эмас, бундан ҳарбий қисмларда, санаторийларда ва дам олиш уйларида, касалхоналарда ҳамда бошқа стационар даволаш муассасаларида, қамоқда сақлаш ва озодликдан маҳрум қилиш жойларида ташкил этилган участка сайлов комиссиялари мустасно;