Сайёр суд мажлиси: таҳлил ва таклифлар

АМАЛДАГИ ҚОНУН ВА 
НОРМАТИВ-ҲУҚУҚИЙ 
ҲУЖЖАТЛАРИНИ САЙЁР СУД 
МАЖЛИСЛАРИНИ ЎТКАЗИШГА 
МУВОФИҚЛАШТИРИШ ВА 
ТАКОМИЛЛАШТИРИШ БЎЙИЧА
Т А В С И Я Л А Р

---

---

69
4.1. Ўзбекистон Республикаси қонунлари
ва норматив-ҳуқуқий ҳужжатларини 
сайёр суд мажлисларини ўтказишга 
мувофиқлаштириш
Судлар томонидан одил судловни амалга ошириш 
юзасидан мавжуд қонун ва норматив-ҳуқуқий ҳужжатлар 
таҳлил этилганда ишларни сайёр суд муҳокамасига тайинлаш 
ва суд мажлисида кўриш жараёнларини тартибга солувчи 
қонун нормалари мавжуд эмаслиги, фақат Ўзбекистон 
Республикаси 
Иқтисодий 
процессуал 
кодексининг 
163-моддасининг 10-бандида сайёр суд мажлисига тайинлаш 
мумкинлиги, шунингдек Ўзбекистон Республикаси Олий 
суди Раёсатининг 2017 йил 24 июндаги РС-09-17-сонли 
қарори билан тасдиқланган “Сайёр суд мажлисларини 
ўтказиш бўйича Услубий тавсиялар”да эса судьяларни сайёр 
суд мажлислари ўтказишда бажаришлари лозим бўлган 
кўрсатмалар берилган.
Бироқ, мазкур Кодекс ва қарорда ишларни сайёр суд 
мажлисига тайинлаш, суд мажлисини ўтказишнинг тартиби, 
ташкил этиш қоидалари берилмаган. Шунинг учун ҳам 
республика судларида сайёр суд мажлисларини ўтказишнинг 
ягона амалиёти мавжуд эмас.
Олдинги бўлимларда қайд этилган сайёр суд 
мажлисларини ўтказишдаги ижобий натижалар билан бир 
қаторда қатор муаммолар мавжудлиги, мазкур муаммоларни 
ҳал этиш учун амалдаги қонун ва норматив ҳужжатларига 
қўшимча ва ўзгартириш киритмасдан туриб уларни ҳал 
этиб бўлмаслигини таъкидлагандик, шунингдек Ўзбекистон 
Республикаси Олий суди ваколатига киритилган қарорларга 
ҳам ваколат доирасидан келиб чиқиб, ўзгартириш ва 
қўшимчалар киритиш бўйича тавсиялар ишлаб чиқиш 
мақсад қилинган.
Ўзгартириш ва қўшимчалар қуйидаги қисмларга 
ажратган ҳолда алоҳида-алоҳида тайёрлашни мақсадга 
мувофиқ деб олинди: 

---