Sahifa fonini berish misoli

4-ma’ruza. DREAMWEAVER DASTURIDA ELEKTRON QOʻLLANMA DIZAYNINI YARATISH.

Reja:

1. 
   Web-sahifalar dizaynini ishlab chiqishda jadval texnologiyasi
   
2. 
   Shablonlardan foydalanish uslubiyoti
   
3. 
   Tahrirlanadigan sohani belgilash
   
4. 
   Shablon asosida sahifa yaratish
   

Tayanch iboralar: TABLE, Rows, Columns, Width, Border, Cell Padding, Cell Spasing, Align, Bg Color va Bg Image, Brdr Color, Insert Rows or Columns, Modify, Shablon, Template Objects.
Web-sahifalar dizaynini ishlab chiqishda jadval texnologiyasi
Web-sahifalarda jadval tez-tez uchrab turadi. Ma’lumotlarni jadvalli joylashtirishning oddiy usuli – prays list deb ataladi. Biroq, Web-sahifalar yaratuvchilari tomonidan jadvallardan turli elementlarni joylashtirishni boshqarish uchun foydalaniladi, masalan, tasvir yoki matnni.
Jadvallardan joylashtirish usuli sifatida foydalanish oddiy. Siz xayolan oynani yacheykalar (kataklar) ga bo’lasiz va sahifaning qaysi elementi qaysi katakka joylashtirilishini aniqlaysiz, bu brauzer avtomatik tarzda elementlarni bir-biridan keyin joylashtirishidan yaxshidir. Jadvallardan foydalanishning turli variantlarining borligini HTML ning kamchiligiga kiritish mumkin.
Jadval HTML hujjatning muhim qismi hisoblanadi. Unda ma`lumotlar vertikal ustunlar (kalonkalar) va gorizontal qatorlardan (satrlar) tashkil topgan to’g’ri burchakli tur ko’rinishida joylashtirilgan. Jadvalning har bir katagi yacheyka deb ataladi. Yacheykalarda matn, grafika va xatto boshqa jadval ham joylashishi mumkin.
Jadval chapdan o’ngga qarab, yacheykadan yacheykaga, chapdagi yuqori burchakdan boshlab, o’ngdagi pastki burchakka qarab to’ldiriladi. har bir yacheyka to’ldirilishi kerak (bo’sh yacheykalarni yaratish uchun maxsus simvollar – uzluksiz probellardan foydalaniladi).
Shablonlar
Shablon – bu hujjat bo’lib, undan siz boshqa hujjatlarni yaratishda asos sifatida foydalanishingiz mumkin. Shablon yaratish davrida sahifaning qaysi elementlari doimiy (tahrirlanmaydigan), qaysilari esa o’zgarishi mumkinligini ko’rsatib o’tishingiz lozim. Masalan, agar siz Internet-jurnal yaratmokchi bo’lsangiz, uning titul varakasi o’zgarmas, makolalar sarlavhalari va tarkibi har bir yangi sonda o’zgarishi kerak. Makolaning joylashishi va stilini ko’rsatish uchun matnga belgi joyini o’rnatishingiz mumkin va uni tahrirlanish sohasi sifatida ko’rsatish mumkin. Muallif yangi makola qo’shish uchun matnga joy ko’rsatishi kifoya va shundan so’ng bu erda makola matnini kiritish mumkin. Shablon asosida bir nechta hujjatlar yaratilgan bo’lsa ham uni tahrirlash mumkin.