Safin m. G., Rajabov a. I. Va ro‘ziyev yu. S

 
Laboratoriya ishi-1.  
 Bardjer-Rast  uslubi  bilan  osmotik  bosimni  aniqlash. 
Oldindan  diametri  1  mm  va  uzunligi  6-7  sm  keladigan  shisha 
kapellyar  tayyorlab  qo‗yiladi.  Kapellyarlarning  diametri  5  mm, 
devorining  qalinligi  1  mm  keladigan  shisha  naylardan  tayyorlash 
mumkin.  Buning  uchun  shisha  nay  gazli  qizdirgich  ustida  bukiluvchan 
bo‗lgunga  qadar  qizdiriladi.  Qizdirilgan  shisha  nayni  olovdan  olib  tez 
cho‗ziladi.  Natriy  xlor  tuzining  har  xil  konsentratsiyali  kontrol 
(nazorat) eritmalari  to‗plami tayyorlanadi.   
Bu  konsentratsiyalar  chegarasi  ko‗pchilik  (umurtqasiz  sovuq  qonli 
va  umurtqali  issiq  qonli)  hayvonlarning  biologik  suyuqliklaridagi 
osmotik  bosimlarni  aniqlash  imkoniyatiga  ega  bo‗lishi  lozim.  Soat 
shishachasiga  tekshiriluvchi  va  nazorat  uchun  olingan  eritmalarning 
biridan  tomiziladi.  So‗ng  kapellyar  eritmalardan  biriga  botiriladi  va 
suyuqlikni  kapellyarning  o‗rta  qismiga  ko‗tarilishi  uchun  imkoniyat 
yaratiladi.   
Kapellyarni  teskari  tomonga    aylantirib  suyuqlikni  uning  qarama-
qarshi  tomonga  tushishi  ta‗minlanadi.  Menisk  va  kapellyarning  uchi 
o‗rtasida  bir  necha  millimetr  oraliq  hosil  bo‗lishi  bilan  kapellyarning 

---

 
9 
ikkinchi  uchi  boshqa  eritmaga  botiriladi.  Bunda  so‗nggi  eritma 
kapellyar  bo‗ylab  shunday  ko‗tariladiki,  natijada  havo  pufagi 
kapellyarning 
o‗rtasida  turib  qoladi.  Kapellyarni  keyinchalik 
Mendeleyev  qorishmasi  yordamida  berkitish  uchun  uning  har  ikkala 
uchida  ozginadan  bo‗sh  joy  qoldiriladi.  Tajriba  olib  borish  jarayonida 
kuzatishni  qulaylashtirish  maqsadida  eritmalardan  birini  metilen  ko‗ki 
yoki kaliy  permanganat  bilan ranglash  lozim.  
Bunda  juda  oz  miqdorda  bu  moddalardan  qo‗shish  (100  mlga 
bittagina  kristalcha)  kifoya  va  bu  miqdor  eritma  konsentratsiyasiga 
hech  qanday  ta‗sir  ko‗rsatmaydi.  Kapellyarning  uchlari  paxta  bilan  tez 
va  juda  toza  qilib  artiladi  va  har  ikkala  tomondan  asbest  to‗ri 
qo‗yilgan  gaz  qizdirgichi  ustida  yoki  suv  hammomida  qizdirib turilgan 
Mendeleyev 
qorishmasi 
yordamida 
berkitiladi. 
Mendeleyev 
qorishmasi  o‗zaro  teng  miqdorda  aralashtirilgan  mo‗m  va  konifol 
aralashmasidan  ham ishlatish mumkin.   
Kapellyar  buyum  shishasiga  bir  tomchi  qorishma  yordamida 
gorizontal 
holatida 
joylanshtiriladi.  Kapellyarli  oyna  okulyar-
mikrometrli  mikroskopga  joylashtirilib  (kattalashtirish  imkoniyati  - 
okulyar  7x,  obyektiv  8x)  fokusini  meniskka  olib  kelinadi  (1-rasm). 
So‗ng  meniskning  harakati  kuzatiladi.  Osmotik  bosimi  kam  bo‗lgan 
(bug‗  sig‗imi  esa  ko‗p)  eritma  yuzasidan  suv  bug‗lana  boshlaydi.  Bir 
yo‗la  bug‗  yuqori osmotik bosimga va kam bug‗ sig‗imiga ega bo‗lgan 
eritma  yuzasida  kondensirlanadi.  Shuning  uchun  birinchi  tomchining 
hajmi  kamayib,  ikkinchi  tomchining  hajmi  oshadi.  Natijada,  menisk 
yuqori  konsentratsiyali  tomondan  kam 
konsentratsiyali  eritma 
tomoniga qarab  siljiydi.   
Menisk  harakatini  kuzatishning  ikki  uslubi  mavjud.  Birinchi 
uslub  bo‗yicha  bir  menisk  kattaligi  okulyar  -  mikrometr  shkalasining 
bir  bo‗limiga  teng  kelishi  kerak.  Bunda  meniskni  kuzatish  bir  necha 
minut 
davomida 
amalga  oshiriladi.  Menisk  harakatlanayotgan 
yunalishga  qarab  ikki  eritmaning  qaysisining  konsentratsiyasi  ko‗p 
ekanligi  aniqlab  olinadi.  Ikkinchi  uslub  bo‗yicha  predmet  shishasi 
yonida  tush  yordamida  chiziq  chizib  qo‗yiladi,  (tushga  birozgina 
tuxum 
oqsili 
qo‗shilgan 
bo‗ladi) 
va 
kapellyarni 
shishaga 
o‗rnatayotgan  paytda  menisklardan  biri  shu  chiziqning  yonida  bo‗lishi 
hisobga 
olinadi. 
Kuzatuv 
davom 
etdirilib 
okulyar-mikrometr 
yordamida  chiziq va menisk  o‗rtasidagi masofa  o‗lchanadi. 
 

---

 
10