Safarov, G. R. Tursunova turizm asoslari t oshkent – 2014 I. S. Tuxliyev, R. Hayitboyev, B. Sh. Safarov, G. R. Tursunova

3. Turistik faoliyat bilan shug‘ullanish huquqini belgilovchi hujjat qanday nomlanadi?
a) litsenziya
b) sertifikat
d) guvohnoma
e) ruxsatnoma
4. O‘zbekistonda ichki ishlar organlari tomonidan beriladigan «viza»lar necha yilga beriladi?
a) ikki yilga
b) bir yilga
d) bir yil-u olti oyga
e) ikki yil-u olti oyga
5. Standart qanday hujjat hisoblanadi?
a) vakolatli davlat organlari tomonidan tasdiqlangan normalar majmuasini, mahsulot va xizmatlarga bo‘lgan qoida va talablarni belgilovchi normativ texnik hujjat bo‘lib hisoblanadi;
b) mahsulotlarning, xizmatlarning sifat ko‘rsatkichlariga qo‘yiladigan talab;
d) turist va ekskursantlar mulkining saqlanishda qo‘yiladigan talab;
e) tovar va mahsulotlarning soni hamda miqdoriga qo‘yiladigan talab.

21-mavzu. TURIZM SOHASIDA XALQARO XAVFSIZLIKNING
HUQUQIY ASOSLARI
Reja:
21.1. Turizm sohasida xavfsizlikni ta’minlash tamoyillari
21.2. Xalqaro turizmda turistlarining hayoti xavfsizligini ta’minlashning xalqaro huquqiy va me’yoriy hujjatlari
21.3. O‘zbekiston Respublikasi qonun va qarorlarida turistlar hayoti xavfsizligini ta’minlash
21.4. Turizm rasmiyatchiligiga oid hujjatlar


21.1. Turizm sohasida xavfsizlikni ta’minlash tamoyillari

«Turizm xavfsizligi» keng ma’noli tushuncha bo‘lib, turizmda xavfsizlik turist va uning yuklarining xavfsizligi, turistik muhit qatnashchilarining muhim hayotiy qiziqishlarini ichki va tashqi havflardan, hamda turizm rivojlanishida atrof-muhitni salbiy omillardan himoyalanganligi tushuniladi.

Turizmdagi xavfsizlik – bu turist hayoti va sog‘lig‘ini saqlash maqsadida, hamda unga va atrof–muhitga (jamoaga, jamiyatga, davlatga, tabiatga) yetkazilgan zararlarni minimallashtirishga qaratilgan majmuali tadbirlardan iborat. Dunyoda bo‘lib o‘tayotgan voqea, hodisalar xavfsizlik masalasi qanchalik muhimligini ko‘rsatmoqda va bu yerda nafaqat mamlakat ichki tartibi, balki xalqaro darajada muvofiqlashtirish talab etiladi. Turizmda xavfsizlikni ta’minlash borasidagi qarorlar turistik faoliyat sohasidagi qonunlarning asosiy tarkibiy qismi hisoblanadi.
Hozirgi paytda, turizmda xavfsizlik masalasi quyidagi tamoyillar asosida ta’minlanadi: