Sa’dullo Quronov galaktikada bir kun (ilmiy-fantastik qissa) Toshkent «Akademnashr»

QAROQCHINING TUTQUNLARI
General  Obmaning  qaroqchiligi  faqatgina  boylik 
yig‘ishdan iborat emasdi. U koinotdagi olim va muhan-
dislarning g‘oyalarini, ixtiro-yu kashfiyotlarini ham o‘g‘ir-
lar, bulardan o‘zining yovuz maqsadlari yo‘lida foydala-
nar  edi.  Chunki  Obma  qanday  bo‘lmasin  qo‘shinini  ju-
dayam  kuchli  qurollar  bilan  ta’minlashni  hamda  butun 
Somon  yo‘li  galaktikasini  qo‘lga  olishni  orzu  qilardi. 
Mash hur  Salmir  sayyorasining  fazogirlari  qo‘lga  olin-
ganida Obmaning xursandchiligi ichiga sig‘may ketgani 
sababi ham shundan.

---

48
Mana, bir necha kundirki, general Obmaning askarla-
ri  salmirlik  fazogirlarni  so‘roq  qilishmoqda.  Ammo  qattiq 
qiynoqqa solinsalar ham, ular Quyosh tizimi ekspeditsiya-
sining  maqsadini  oshkor  qilishmadi.  Sabr  kosasi  to‘lgan 
general shu kunlari juda darg‘azab yurardi. Chunki u sal-
mirliklarning judayam muhim topshiriq bilan yo‘lga chiqqa-
nini  fahmlar,  ammo  bu  qanday  topshiriq  ekanini  bilmay 
jig‘ibiyron bo‘lardi. «Juda muhim ish bilan kelishgan... Aks 
holda, Sirius yulduzidan Quyoshgacha 8 yorug‘lik yilidan 
ortiq masofani bosib kelishmasdi, – deya o‘ylay boshladi 
u. – Balki, ular Yashil sayyoraga kelmoqchi bo‘lishgandir? 
Lekin Yerda ularga nima kerak bo‘lib qoldi ekan?» Obma 
ana shunday xayollar bilan hashamatli xonasi markazidagi 
taxtida o‘tirarkan, Rago ismli eng ishongan sarkardasi kirib 
keldi.
– Qo‘mondon, gapirishga ruxsat ber, – dedi yaqin kelib 
qolgan Rago.
– Gapir!
– Odamlarimiz yulduzlararo kemadagi zaxira kapsula-
larning biri kema qo‘lga olinguniga qadar uchib ketganini 
aniqlashdi.
– Xo‘sh-xo‘sh! – general Obma bu yangilikni eshitib o‘r-
nidan turib ketdi.
–  Kemada  hech  qanday  hujjatlar  va  abadiy  energiya 
generatorining yo‘qligini hisobga olsak, demak, biz izlayot-
gan asosiy narsalar shu kapsula bilan g‘oyib bo‘lgan.
– Bu gapingda jon borga o‘xshaydi, Rago! Unda kapsu-
lani darhol izlab topish kerak.
– Men josuslarimizni Quyosh tizimiga yubordim. Kema-
ni Neptun yaqinida qo‘lga olganmiz, kapsula ham uzoqqa 
uchib ketolmaydi. Mars yoki Yupiter yo‘ldoshlariga qo‘ngan 
bo‘lsa kerak.
– Yoki uni Yerga uchirishgan, to‘g‘rimi?
– Ha, balki, shundaydir, – tasdiqladi Rago.

---

49
Obma bir muddat o‘ylanib qoldi, so‘ng Ragoga yuzlanib:
–  Josuslarni  Yerga  ham  jo‘nat.  Bu  ish  bilan  shaxsan 
o‘zing shug‘ullan, – dedi.
– Xo‘p, aytganingday qilaman, – Rago boshini egib xo-
nani tark etdi.
Tez  orada  Obma  huzuriga  salmirliklar  kapitani  Ge-
dar Vuni olib kirishdi. Obma bu jasur kapitanni shaxsan 
o‘zi so‘roqqa tutib, ularning maqsadini bilib olishga qa-
ror qilgandi. Gedar Vu bir necha kunga cho‘zilgan qiy-
noqlardan so‘ng tinkasi qurigan, oyoqda bazo‘r turardi. 
Ammo uning ko‘zlaridagi jasur nigohlar hamon saqlanib 
qolgan edi. Uning bu o‘trik nigohlarini ko‘rgan Obma ka-
pitan bilan bo‘ladigan hozirgi suhbat besamar bo‘lishini 
oldindan sezdi. Lekin buni Gedar Vuga sezdirgisi kel-
madi.
–  Xo‘sh,  koinotga  mashhur  Salmir  sayyorasining  fa-
zogirlari biz taraflarda nima qilib yuribdi? – mahbusni men-
simay savol berdi Obma.
– Bu joylar qachondan boshlab qaroqchilarning hudu-
di bo‘lib qoldi? Axir, sizlar Protsion yulduz tizimidagi Giks 
sayyorasidan emasmisiz?!
Bunday  hozirjavoblikni  kutmagan  Obma  Gedar  Vuga 
nafrat bilan tikildi. Kapitan esa xotirjam gapida davom etdi:
– E, ha, Giks sayyorasi allaqachon yo‘q bo‘lib ketgan 
edi-ku. Demak, sizlar shunchaki bevatan bekorchilar to‘da-
si ekansiz-da!
– Bas qil! – suhbatning bunaqa tus olishini kutmagan 
Obma chidab turolmadi: u mushti bilan Gedar Vuning yuzi-
ga qattiq zarba berdi.
Gikslar tabiatan juda baquvvat bo‘ladilar. Ustiga-ustak, 
ularning tanasi salmirliklarga qaraganda 5 marta kattaroq. 
Hozir ham Obmaning zarbasidan so‘ng Gedar Vu sal qol-
sa nobud bo‘layozdi. Shunday bo‘lsa-da, u ingragan ovoz 
bilan dedi:

---

50
– Mayli, istaganingni qil. Bizlarni qiynoqqa sol. Ammo 
bilib qo‘y, baribir, maqsadingga yetolmaysan! – Gedar Vu 
shunday deb hushini yo‘qotdi.
Obma bu jasur salmirliklarni so‘roq qilish befoyda ekani-
ni endi tushunib yetdi. U salmirliklarni zindonband etishga 
buyruq berarkan: «Hozircha menga qo‘lga kiritgan yulduz-
lararo uchar kema ham kifoya qilib turadi. Qolgan gaplarni 
Quyosh tizimiga uchgan kapsuladagi fazogir orqali aniqlab 
olaman», – deb o‘yladi.