Sabzavotchilik, poliz mahsulotlari yetishtirish agrotexnologiyalari istiqbollari. Yetishtirilgan mahsulotlarni eksport qilish imkiniyatlari

Tuproqni o‘ta mayin holatga keltirib maydalash bo’yicha bog’bop tuproq frezasi qo’llaniladi. Ilgarilatib sudralayotgan freza barabani traktorning quvvat olish validan kelayotgan harakat hisobiga, o’z o’qi atrofida majburan aylanadi. Natijada, pichoqlar yupqa tuproq qirindisini erdan ajratib olib, orqa tomonga irg’itadi. Irg’itilayotgan tuproq g’ilofga urilib, erga tushadi. Qirindi qalinligini 2 mm dan 12 mm gacha o’zgartirish imkoni bo’lganligi sababli, begona o’tlar ham maydalanib tashlanadi. Qirindining qalinligi pichoq uchining aylanma chiziqli tezligi agregat tezligidan necha marotaba katta bo’lishiga bog’liq. Baraban o’zgarmas tezlikda aylanayotgan bo’lsa, agregat tezligini kamaytirib, qirindi yupqaroq bo’lishiga erishish mumkin bo’ladi.Bog’bop tuproq frezalari osma yoki tirkalma turlarda ishlab chiqariladi. Baraban diametri 370 mm bo’lib, 12 sm chuqurlik gacha ishlov bera oladi. Qamrov kengligi 0,9 m. Freza barabani traktorning o’ng tomoniga gidrotsilindr yordamida 2,0 metrga surib chiqarilishi mumkin va daraxtlarga yaqin joylarga ishlov beriladi. Bunday freza bilan jihozlangan agregat yon shoxlari past joylashgan daraxtlar orasida ishlay oladi, chunki traktor qatorlar o’rtasida yuritilsa ham freza unga nisbatan qariyb 3,0 m gacha o’ng tomonga surilgan holda ishlashi mumkin. Traktorchi iz ko’rsatkichning uchi daraxtlarga 5—10 sm etmaydigan qilib agregatni yuritadi va uning frezasi bir qatordagi daraxtlar orasidagi erga ishlov berib ketadi. Agregat 4km/soat gacha bo’lgan tezlikda ishlatiladi.