Sabzavot va kartoshkani doimiy va vaqtinchalik omborlarda saqlash

Sabzini saqlash Sabzi ikki yillik o‟simlik bo‟lganligi uchun UNI saqlashdagi asosiy xususiyat tinim davri bilan
bog‟liq. Sabzining tinim davri boshqa sabzavotlarnikiga qaraganda uzoqqa cho‟zilmaydi. U sabzavotlar ichida saqlashda tashqi muhit sharoitiga ancha talabchan mahsulot hisoblanadi. Saqlash haroratining noqulay bo‟lishi sabzining tezda buzilishiga olib keladi. Ildizmevalar namligini tez yo‟qotadi va mikroorganizmga chidamsiz bo‟lib qoladi. Sabzi o‟zidan ko‟p namlikin yo‟qotib so‟lib qolmasligi uchun uni havo namligi 90-95% bo‟lgan sharoitda saklash yaxshi natija beradi. Bunda havoning harorati 0-1°S bo‟lishi lozim. Qarorat bundan pasaytirilsa mahsulotni sovuq uradi va natijada u tovar xususiyatini yo‟qotadi.


Sabzini plyonkali xaltachalarda ham saqlash mumkin. Bunda karbonat angidridning konsentrasiyasi 3-5% dan oshmasligi lozim. Aks holda mahsulotning kimyoviy tarkibida o‟zgarishlar yuz beradi va natijada mahsulot yaroqsiz xolatga kelib qoladi.
Urug‟lik uchun ajratilgan sabzini 0,5°S dan past haroratda saqlash ruxsat etilmaydi. Past haroratda sabzi kurtaklarining tabaqalashishi to‟xtaydi. Urug‟lik sabzini 0,5-1-5°S xaroratda saqlash uning sifatli saqlanishini ta‟minlaydi.Saqlashga qo‟yiladigan sabzilarning bargi o‟zak doirasi to‟g‟risidan, kavlangan kuniyoq pichoq bilan kesib tashlanadi, chunki bargi bilan turib qolsa uning suvi qochadi, so‟liydi va keyinchalik uncha 40 yaxshi saqlanmaydi. Barglardan tozalangan sabzilar o‟lchamiga qarab saralanadi va ayni vaqtda qishda
saqlashga yaroqsiz, ya‟ni etilmagan, yorilgan, shikastlangan sabzilar ajratib olinadi. Sabzi tez buziladigan mahsulot bo‟lganligidan uni faol shamollatiladigan omborlarda saqlash yaxshi natija beradi (2-rasm). Sabzini polietilen qoplarda saqlash usuli istiqbolli usul hisoblanadi. Mahsulot nafas olishi natijasida
qop ichida yuqori darajada namlik sharoiti (90-95%) hosil bo‟ladi va kerakli miqdorda karbonat angidrid (3-5%) to‟planadi. Polietilen qoplarda saqlanganda mahsulotning chirishi, vaznining kamayishi, shakar va vitaminlarning yo‟qotilishi ancha kamayadi.