Russ nashriyotiga so‘z boshi

  

Tashqi pullar – bu “Z” rejasi.  

  

Siz beradigan eng birinchi savollardan biri bu – o‘z loyiham uchun qaerdan pul 

olaman? Juda ko‘p odamlar to‘g‘ri javob – ularni tashqaridan olish kerak deb o‘ylasa 

kerak.  Agar  siz  zavod  yoki  restaran  qurmoqchi  bo‘lsangiz  sizga  haqiqatdan  ham 

tashqaridan pul olish kerak bo‘ladi. Lekin ko‘pgina kompaniyalar uchun qimmatga 

tushadigan infratuzilmaning keragi yo‘q, ayniqsa hozirgi zamonda.   

Biz  xizmatlar  iqtisodiyoti  davrida  yashayapmiz.  Xizmat  ko‘rsatish  sohasida 

band  bo‘lgan  odamlar  (masalan,  konsultant,  dasturiy  ta’minot  yaratuvchisi,  to‘y 

marosimlari tashkil etuvchisi, grafik dizayner va shu kabilar)ga oyoqqa turib olish 

uchun  ko‘p  mablag‘  kerak  emas.  Agar  siz  shunga  o‘xshash  bizneslar  bilan  

shug‘ullansangiz, tashqi moliyalashtirishdan qoching.   

Umuman aytganda, qanday ish boshlashingizdan qat’iy nazar tashqi mablag‘ni 

iloji boricha kamroq jalb qiling. O‘zingizniki bo‘lmagan mablag‘ni sarflash g‘oyasi 

yoqimli  ko‘ringani  bilan,  bu  o‘z  bo‘yningizga  o‘zingiz  sirtmoq  ilib  qo‘yganingiz 

bilan teng. Mana nima uchun.