Russ nashriyotiga so‘z boshi

Kompaniyaning bajara olmaydigan vazifasi  

  

Belgilangan pozitsiyada qat’iy turish va bu pozitsiyani davom ettirish haqidagi 

kompaniyaning  o‘z  vazifasiga  egaligi  o‘rtasida  katta  farq  borligini  unutmang.  Bu 

yerda gap xuddi “eng yaxshi xizmat ko‘rsatamiz” kabi shunchaki yozib devorga osib 

qo‘yilgan  shiorlar  haqida  ketmoqda.  Ha,  aynan  shunday,  hattoki  soxta 

jaranglaydigan, haqiqatdan ancha yiroq bo‘lgan shiorilar. Ular huddi press-relizdagi 

kabi  boshqalarni  jalb  etish  uchun  yozib  qo‘yilganga  o‘xshaydi,  harakatga 

undaydigan vazifaga emas.   

Tasavvur qiling, siz avtomobillarni ijaraga beruvchi kompaniya ofisiga tushib 

qoldingiz. Xona sovuq. Poli iflos, peshtaxtalar bo‘sh. Keyin esa, e’lonlar doskasida 

qadalgan qog‘ozni ko‘rib qoldingiz. Matnda yozilgan:   

“Bizning  maqsadimiz  shundan  iboratki,  biz  yengil  avtomobillar,  yuk 

mashinalari,  lizinglar,  avtomobillar  sotuvi  va  turli  shunga  o‘xshash  xizmatlar 

sohasida mijozlarimizning talablarini to‘liq qondirish, shuningdek, ularni xizmatlar, 

sifat  va  narx  borasidagi  talablarini  kutganlaridan  ham  a’lo  darajada  bajarishimiz 

kerak.  

Biz,  adolatli  va  haqqoniy  ish  tutish  uchun;  mijozlarimizning  uzoq  yillar 

davomida sodiqligiga munosib ravishda ularga va’da qilinganidanda ko‘proq xizmat 

ko‘rsatish  uchun;  biznes  tajribaning  kafolati  bo‘ladigan,  xizmat  ko‘rsatishning 

nihoyatda o‘ziga xos darajasiga yetishish uchun bor kuchimizni sarflaymiz.  

Biz,  xodimlarimizning  saviyasini  oshirish,  ularning  shaxsiy  o‘sishi  uchun 

imkoniyat yaratish va ularning muvaffaqqiyatlari va g‘alabalarini adolatli taqdirlash 

orqali  ularni  mijozlarimizga  juda  yaxshi  xizmat  ko‘rsatishiga  turtki  berishimiz, 

yo‘naltirishimiz kerak...”   

---

Siz u yerda o‘tirib, mana shu be’manilikni o‘qib, o‘ylaysiz: “ular meni ahmoq 

deb o‘ylashgan shekilli?”. Ko‘rinib turibdiki, osib qo‘yilgan qog‘ozdagi so‘zlar siz 

to‘qnash kelgan haqiqatdan butunlay yiroq.   

Bu  esa  mana  bunday  holatni  eslatadi: siz kompaniyaga  telefon  qilganingizda 

sizga  avtojavob  beruvchida  yozib  qo‘yilgan  ovoz  gapirayapti:  “Sizning 

qo‘ng‘irog‘ingiz  biz  uchun  katta  ahamiyatga  ega.  Nahotki?  Ehtimol,  unda  ular 

qo‘llab-quvvatlash  markaziga  yana  bir  qancha  odamni  yollashsa,  yoki  30  daqiqa 

yordamni  kutishga  to‘g‘ri  kelmasligi  uchun  elektron  pochta  orqali  xizmat 

ko‘rsatishni taklif qilishsa arziydi.”   

Soxta  so‘zlarning  keragi  yo‘q.  Menga  avtojavob  beruvchini  javobi  bilan, 

qanchalik  men  haqimda  qayg‘urishayotganiga  ishontirishga  urinishlarining  keragi 

yo‘q.  Bu  robot.  Men  chinakam  g‘amxo‘rlik  va  yaxshi  gaplar  gapirish 

dasturlashtirilgan robot o‘rtasidagi farqni yaxshi bilaman.   

O‘z  ishonchida  qat’iy  turish  –bu  ularni  yozib  olish  kerak  degani  emas.  Bu 

degani, ularga ishonish va ular bilan yashash kerak.