Rta maxsus ta’lim vazirligi guliston davlat universiteti

Reaksiyani bajarishda ammoniy tuzi eritmasining bir tomchisiga 5-6 tomchi suv va 1-2 tomchi Nessler reaktivi qo'shiladi, natijada qizil-qo'ng'ir rangli cho'kma hosil bo'ladi. Ammoniy ioni konsentratsiyasi past bo'lganda, eritma to'q sariq rangga kiradi.
3. Ammoniy ionining kaliy va natriy ionlari reagentlariga munosabati. Yuqorida ammoniy ionining kaliy va natriy ionini topishga xalaqit berishini ko'rib o'tgan edingiz. Bunga ishonch hosil qilishingiz uchun kaliy va natriy ionlari uchun o'tkazilgan reaksiyalarni ammoniy ioni bilan o'tkazib ko'ring. Kuzatishlaringiz asosida natriy gidrotartrat va natriy geksanitritokobaltat (III) reaktivlari ta'siridan bir xil tuzilishli va o'xshash rangli cho'kmalar hosil bo'lishiga ishonch hosil qiling. Ammoniy ioni kislotali muhitga ega bo'lgani uchun kaliy digidroantimonatni parchalab oq amorf cho'kma - metaantimonat kislotani hosil qiladi:
NH₄⁺+HOH → NH₄OH + H⁺
KH₂SbO₄ +H⁺→H₃SbO₄ +K⁺
H₃SbO₄→HsbO₃↓+H₂O
Ma'lum bo'lishicha, kaliy va natriy ionlarining reaksiyalari ammoniyning reaksiyalariga o'xshash bo 'lib, u ammoniy ioni kaliy va natriyni topishga xalaqit beradi.
4. Ammoniy ionini yo'qotish. Ammoniy ionini yo'qotishda ammoniy tuzlarining qizdirilganda parchalanib, uchib chiqishidan foydalanish mumkin:
NH₄Cl→NH₃↑+HCl↑
(NH₄)₂CO₃→ 2NH₃↑+ CO₂↑ + H₂O↑
Bundan tashqari, ammoniy ionini yo'qotishda ammoniy tuzlarini ishqor eritmasi bilan qizdirish:
NH₄C1 + KOH → NH₄OH + KC1
NH₄OH→NH₃↑ + H₂O↑
ammoniy nitrat yoki ammoniy dixromatning qizdirilgandagi disproporsiya:
NH₄NO₃→N₂O↑+2H₂O↑
(NH₄)₂Cr₂O₇→ N₂↑+ 4H₂O + Cr₂O₃
kuchli oksidlovchilar ta'siridan oksidlanish:
2NH₄⁺ + 3C1₂→ N₂↑ + 6C1^-+ 8H⁺
ammoniy tuzlarining magniy metali ta'siridan qaytarilish (A.H.Agte):
Mg + 2NH₄⁺ → Mg²⁺ + 2NH₃↑ + H₂↑
yoki ammoniy tuzlarining ishqoriy muhitda formaldegid bilan ta'sirlashib, urotropin hosil qilish:
6H₂O+4NH₄⁺ + 4OH^-→(CH₂)₆ N₄ + 10H₂O
reaksiyalaridan foydalanish mumkin.