Ro`yxatga olindi: №

Aksiyadorlar
Kuzatuv kengashi
Ijroiya organi
1.
2.
…
1.
2.
…
1.
2.
…

---

VI bob. AKSIYADORLIK JAMIYATLARI FЕDRASIAOLIYAT
SAMARADORLIGINI BAHOLASH
6.1. Korporativ boshqaruv tizimini baholashning tashkiliy jihatlari
Rivojlangan   mamlakatlar   amaliyotida   aksiyadorlik   jamiyatlari   korporativ
boshqaruv   tizimini   baholash   orqali   kuzatuv   kengashi,   ijroiya   organi   faoliyat
samaradorligini baholashga alohida e’tibor qaratiladi. Bu o‘z navbatida korporativ
boshqaruv   tizimi   samaradorligini   baholash   turli   mezonlar   asosida   amalga
oshiriladi. Bunda korporativ boshqaruv tizimini baholash  Korporativ boshqaruv
kodeksi asosida amalga oshiriladi.
Mamlakatimizda   Kodeks   tavsiyalarini   joriy   etish   monitoringini   amalga
oshirish   uchun   aksiyadorlik   jamiyatlari   korporativ   boshqaruv   tizimini   baholash
o‘tkaziladi.   Baholashni   amalga   oshirish   uchun   mustaqil   tashkilotni   jalb   qilish
tavsiya   etiladi.   Aksiyadorlik   jamiyatlari   korporativ   boshqaruv   tizimini   mustaqil
baholash   yiliga   kamida   bir   marta   o‘tkaziladi.   Bunda   aksiyadorlik   jamiyatlari
korporativ boshqaruv tizimini mustaqil baholash aksiyadorlik jamiyatiga mulkiy
munosabat   orqali   bog‘liq   bo‘lmagan   tashkilot   bilan   tegishli   shartnoma   asosida
amalga oshiriladi.
Korporativ   boshqaruv   tizimini   mustaqil   baholash   quyidagi   tashkilotlar
tomonidan o‘tkazilishi mumkin:
- fond birjasi;
- qimmatli qog‘ozlar bozorining professional ishtirokchilari;
- shtatida tegishli korporativ boshqaruvchi yoki qimmatli qog‘ozlar bozori
mutaxassisi attestati bo‘lgan auditorlik tashkilotlari;
- akkreditatsiyadan o‘tgan reyting agentliklari;
- Korporativ boshqaruv ilmiy-ta’lim markazi;
- Xususiylashtirish,   raqobatni   va   korporativ   boshqaruvni   rivojlantirish
muammolari tadqiqotlari markazi.
Korporativ   boshqaruv   tizimini   baholashni   o‘tkazish   uchun   mustaqil
tashkilotni   tanlash   aksiyadorlik   jamiyati   kuzatuv   kengashining   qarori   bo‘yicha
tanlov asosida o‘tkaziladi.
Aksiyadorlik jamiyatlarida korporativ boshqaruv tizimini mustaqil baholash
O‘zbekiston   Respublikasi   Davlat   raqobat   qo‘mitasi   va   Korporativ   boshqaruv
ilmiy-ta’lim   markazi   tomonidan   tasdiqlanadigan   savolnoma   asosida   o‘tkaziladi.
O‘tkazilgan korporativ boshqaruv tizimini mustaqil baholash natijalari aksiyadorlik
jamiyati saytida shunday baholashni o‘tkazgan tashkilot xulosasi bilan birgalikda
e’lon qilinadi.
Davlat   nomidan   aksiyador   sifatida   ishtirok   etuvchi   davlat   va   xo‘jalik
boshqaruvi   organlari,   joylardagi   mahalliy   davlat   hokimliklari   va   boshqa   davlat
tashkilotlari   aksiyadorlik   jamiyatida   korporativ   boshqaruv   tizimini   mustaqil
baholashni o‘tkazish uchun o‘z mablag‘i hisobidan mustaqil tashkilotni jalb qilish
huquqiga ega. Aksiyadorlik jamiyatida o‘tkazilgan korporativ boshqaruv tizimini
mustaqil baholash natijalarini aksiyadorlik jamiyati boshqaruv organida ular

---

nomidan ishtirok etayotgan shaxslarni mukofotlash miqdorini aniqlash uchun 
qo‘llaydi.
Mamlakatimizdagi   aksiyadorlik   jamiyatlarida   korporativ   boshqaruv   tizimi
O‘zR   Davlat   raqobat   qo‘mitasi   va   Korporativ   boshqaruv   ilmiy-ta’lim   markazi
tomonidan   2016   yil   25   iyulda   tasdiqlangan   va   9   ta   baholash   yo‘nalishiga
jamlangan yuzta savoldan tarkib topgan savolnoma asosida baholanib kelinmoqda.
Bunda baholash yo‘nalishlari quyidagilar:
1. Korporativ boshqaruv kodeksini joriy etishga tayyorgarlik jarayonini 
baholash;
2. Kodeks tavsiyalariga amal qilinishini baholash;
3. AJ tashkiliy tuzilmasi muvofiqligini baholash;
4. Tanlov o‘tkazilishini baholash;
5. MHXS va XASga muvofiq e’lon qilishga o‘tishni baholash;
6. Zamonaviy boshqaruv tizimlari joriy etilishini baholash (ISO, ERP, 
ITTKI va b.);
7. Axborot siyosatini baholash;
8. Moliyaviy natijalarni baholash;
9. AJ faoliyatining boshqa yo‘nalishlarini baholash.
Korporativ   boshqaruv   faoliyat   samaradorligini   baholash   yo‘nalishlari
bo‘yicha   savollar   soni   qo‘yiladigan   ballar   quyidagi   jadvalda   keltirilgan   (6.1-
jadval).