Ro‘yxatga olindi” Axborot texnologiyalari fakulteti

Informatika va axborot texnologiyalari oʼqitishning zamonaviy taʼlim texnologiyalari va metodlari. Taʼlim metodlarini tanlash boʼyicha tavsiyalar.

Oʼqitish metodlari. Baʼzi didaktik metodistlar taʼlim metodlarini oʼquvchilarni bilmaslikdan bilishga borish yoʼli, ayrim olimlar esa, ularni oʼqituvchi va oʼquvchi faoliyatini oʼzaro bogʼlovchi metodlar, deb qarashadi. Taʼlim metodlarini oʼquv ishlari majmui, shuningdek, taʼlim mazmuni shaklida qarash gʼoyasi ham bor. Bu qarashlarning qay biri asosida taʼlim metodlarining mohiyati, oʼquvtarbiya jarayonidagi funktsiyalarini batafsilroq tasavvur etish mumkin? Didaktikada hali ham eng munozarali muammolardan biri taʼlim metodlari tasnifi masalasidir. Ularni taʼlim manbalari, didaktik vazifalar, mantiqiy fikrlash shakllariga qarab tasnif etish moyilligi mavjud. Taʼlim metodlarini tasnif etishda shu yoʼnalishlardan qay biri maʼqul? Yoki taʼlim metodlarini tasnif etishning boshqa mezonlari ham mavjudmi? Аdabiyotlarda «oʼqitish metodlari», «oʼqish metodlari» kabi terminlar qoʼllanadi. Shunday boʼlgach, «taʼlim metodlari» iborasini ishlatishga ehtiyoj bormi? Metod termini yunonchadan tarjima qilinganda maʼlum bir maqsadga erishish yoʼli, faoliyat usuli maʼnolarini anglatadi. Taʼlim metodi deganda taʼlim jarayonida oʼqituvchi va oʼquvchilarning kutilgan maqsadga erishishga qaratilgan hamkorlikdagi faoliyat usullari tushuniladi. Ularga koʼra taʼlim mazmunini oʼzlashtirishga mos faoliyat tanlanadi. Oʼqitish metodi oʼqitish jarayonida oʼqitish, tarbiyalash va rivojlantirish masalalarini yechishga yoʼnaltirilgan taʼlim beruvchi va taʼlim oluvchining tartibli bir-biriga bogʼlangan faoliyatini anglatadi.