Ro’yxatga olindi: №2021 yil “ ”

O’quv-uslubiy kengashi raisi: PhD.G.Tagiyeva
Fanning ishchi o’quv dasturi “Psixologiya va ijtimoiy munosabatlar” fakulteti ilmiy kengashida muhokama etilgan va foydalanishga tavsiya qilingan (2021-yil 31-maydagi 10-sonli bayonnoma)
Fakultet ilmiy kengashi raisi: prof. Sh.Sh.Negmatova


«Kelishildi»
O’quv uslubiy boshqarma boshlig’i: dots. B.Aliqulov.


KIRISH
So’ngi bir necha o’n yillar davomida ijtimoiy hayotda, siyosat sohasida ro’y berayotgan tub o’zgarishlar tufayli mamlakatimiz hududlarida hamda horijiy mamlakatlarda turli millatlar orasilagi o’zaro munosabatlarni yangicha talqin qilishga tobora ko’prok ehtiyoj sezilmoqda. Bugungi kunda mamlakatimizda milliy siyosat millatlar va milliy munosabatlar taraqqiyotidagi obyektiv jarayonlarni etnososiologik va etnopsixologik jihatlardan har tomonlama, chuqur o’rganish, milliy masalalarni hal etish bo’yicha jahonda to’plangan tajribalardan foydalanish negizida, ya’ni ilmiy asoslarga tayangan holda amalga oshirilmoqda.
Milliy-etnik nizolarni o’z vaqtida, oqilona usullar bilan oldini olishda, barcha jamiyat a’zolarida millat, vatan tuyg’usini shakllantirishda, xalqimizning milliy va diniy o’zligini anglashi va uni avaylab asrashi, kelajak avlodlarga yetkazib berishida milliy ong, milliy bilim va tasavvurlarning shakllanishi beqiyos katta ahamiyatga egadir. Shu bois "Etnopsixologiya va din psixologiyasi" kursini bo`lajak psixolog mutaxassislarida o’qitish ayniqsa hozirgi kunda juda muhimdir.
O’quv fanining maqsad va vazifalari
Fanning maqsadi - talabalarni etnopsixologiya va din psixologiyasining asosiy tushunchalari, bo’limlari va muammolarn bilan yaqindan tanishtirish hamda ushbu sohadagi ma’lumotlarni tahlil etish va baholash bo’yicha malaka va ko’nikmalarni shakllantirishdan iborat.
Fanining vazifalari:

• 
  talabalarni etnopsixologiya fanining nazariy asoslari va inson taraqqiyoti qonuniyatlarini tadqiq etish uchun amaliy materiallar bilan qurollantirish;
  
• 
  etnopsixologiyaning nazariy asoslariming talabalar tomonidan ongli ravishda o’zlashtirilishi;
  
• 
  mazkur fan sohasida ilmiy-amaliy faoliyat yuritish uchun zarur malaka va ko’nikmalarni shakllantirish.