Ro'yxatdan o'tish

MySQL va PHP o’rnatish va sozlash.

Reja:

1. 
   MySQL va PHP larning bir-biri bilan bog’lanishi
   
2. 
   PHP dasturida ma’lumotlar bazasini yaratish
   
3. 
   PHP INSERT, UPDATE, DELETE operatorlarini ishga tushirish
   

Ma’ruza mashg’ulotining asosiy qismi: PHP da MySQL ma’lumotlar bazasini

sozlash va SELECT, INSERT, UPDATE va DELETE operatorlari bilan ishlashni o’rganish.

Nazariy qism

Ushbu ma’ruzada PHP va MySQL MBBT (СУБД) o’rtasidagi hamkorlik usullari bilan tanishishga mo’ljallangan. Asosiy e’tibor ma’lumotlar bazasi bilan bog’lanishni o’rnatish, so’rovlar jo’natish funktsiyalari va javoblarni (mysql_connect, mysql_query, mysql_result, mysql_num_rows, mysql_close) qayta ishlashga qaratiladi. PHP distributiviga MySQL ma’lumotlar bazasi bilan ishlash uchun mo’ljallangan funktsiyalarni oluvchi kengaytma kiradi. Bu bo’limda MySQL bilan ishlash uchun ba’zi bir ma’lumotlar bazasini tasvirlash va to’ldirish maqsadida web-interfeyslarni tuzish topshirig’ini echish uchun kerak bo’ladigan asosiy funktsiyalar bilan tanishamiz. Savol tug’iladi: bunday interfeyslarni tuzish nega kerak? SQL so’rovlar tili bilan notanish odamlar ma’lumotni ma’lumotlar bazasiga kiritish va uning tarkibini ko’rib turish imkoniyati bo’lishi uchun shunday qilinadi. Ma’lumotlar bazasiga ma’lumotlarni qo’shish uchun web-interfeys bilan ishlashda bu ma’lumotlarni shunchaki html- formaga kiritish va ularni serverga jo’natish kerak bo’ladi, bizning skript esa qolgan barcha amallarni bajaradi. Jadval tarkibini ko’rib turish uchun havola ustiga bir marta bosish va kerakli sahifaga kirish kifoya.

Ko’rinib turishi uchun bu interfeyslarni virtual muzey eksponatlari haqidagi ma’lumotlar joylanadigan Artifacts jadvallari uchun tuzamiz. Avvalgi bo’limda bu kollektsiyaga strukturani hamda uning shaxs (Persons) va tasvirlar (Images) tavsiflari kollektsiyalari bilan aloqasini kiritgan edik. Artifacts kollektsiyasidagi har bir eksponat quyidagi xarakteristika yordamida tasvirlanishini eslatib o’tamiz:

• 
  nom (title);
  
• 
  muallif (author);
  
• 
  ifoda (description);
  
• 
  o’rindosh nom (alternative);
  
• 
  tasvir (photo). Nomlanish va o’rindosh nomlanish uzunasiga 255 belgidan kam satr (ya’ni VARCHAR(255)), tasvirlash - matnli maydon (TEXT turiga mansub) hisoblanadi,
  

“muallif’ va “tasvir” maydonlarida esa Persons kollektsiyasidan muallifning identifikatorlari va Images kollektsiyasidan eksponat tasvirlariga muvofiq mavjud bo’ladi.