Rondo II [fr rondeau < rond — dumaloq, doiraviy] 1

SENTIMENTALIZM
[fr. sentimen-talisme < sentiment — his-tuyg‘u] 18-asrning ikkinchi yarmi va 19-asr boshlarida Yevropa va AQSH adabiyoti va san’atidagi oqim. Sentimentalizmda hissiyot yaxshilik va yomonlikni belgilovchi, insonning qadr-qim-matini aniqlovchi asosiy me’yor sifatida talqin qilinadi. «UzME»
	SEPARATIZM	[fr. separatisme < lot. separatus — alohida, ajratilgan] siyos. Ajralib chiqishga, alohida bo‘lishga intilish; davlatning bir qismini ajratib olib, yangi davlat tuzilmasini tuzish yoki mamlakatning bir qismini muxtoriyatga aylantirish harakati. Separatizm harakatlari. M: Ko‘pincha ichki sabablarni ko‘paytiruvchi, gijgijlovchi, o‘z maqsadlari yo‘lida foydalanuvchi kuchlar separatizmning paydo bo‘lishi va kuchayishiga olib keladi. «UzME».
	SERVANT	fr. servante] Idish-tovoq, sochiq, dasturxon va sh. k. qo‘yiladigan, yuqori qismi oynaband shkaf, bufet. Servant polkalariga ajoyib chinni va billur idishlar tartib bilan joylashtirilgan edi. F. Musajonov. Himmat.
	SERVIZ	[fr. service — xizmat; idish-tovoq to‘plami] Ma’lum miqdordagi kishilarga mo‘ljallangan, bir xil badiiy bezakli idish-tovoq to‘plami. Qahva servizi. CHoy servizi. M: [Karima] Divan ustida chordana qurib o‘tirib, bufetdagi nodir servislarni tomosha qila boshladi. S. Abduqahhor. Uy ostonadan boshlanadi.
	SERENADA	[fr. serenade < ital. serenata — oqshomgi qo‘shiq < sera — oqshom, kecha] 1 O‘rta asrlarda Italiya va Ispaniyada ma’shuqa sharafiga, odatda ma’shuqa eshigi yoki derazasi ortida turib, torli musiqa asbobi jo‘rligida aytilgan qo‘shiq. 2 Cholg‘u ansambli uchun yozilgan, syuitaga o‘xshash musiqa asari. Operada qahramonni tasvirlash uchun qo‘shiq, roman, serenadaham kiritiladi. Gazetadan. 3 Umuman, aniq bir shaxsga bo‘lgan mehr-muhabbatni tarannum etuvchi har qanday musiqiy asar.
	SERJANT	[fr. sergent < lot. serviens — xizmatchi] Melitsiya, politsiya va armiyada kichik komandirlarga beriladigan unvon va shu unvonga ega bo‘lgan shaxs. Kichik serjant. M: Men bilan yonma-yon bir serjant ham otishib turib edi, birdan uning pulemyoti to‘xtab qoldi. Oydin. Hikoyalar
	SERPANTIN	[fr. serpentin < lot. serpens — ilon] Bal, maskarad yoki karnaval qat­nashchilariga irg‘itiladigan, rangli qog‘ozdan yasalgan uzun ilonsimon lenta.