Ролли уйинлар мохияти ва уларни ташкил этиш

O‘ZBEKISTON RESPUBLIKASI
OLIY VA O‘RTAMAXSUS TA’LIM VAZIRLIGI
FARG‘ONA DAVLAT UNIVERSITETI

PEDAGOGIKA- PSIXOLOGIYA FAKULTETI

PSIXOLOGIYA YO‘NALISHI

15.12 -guruh talabasi Muminova SHoxista Muxitdin qizining

KONSULTATIV PSIXOLOGIYA VA PSIXOKORREKSIYA
fanidan
“Talaba yoshlarda mustaqil fikrlashni rivojlantirishda psixologik konsultatsiyaning olib borilishi”
mavzusidagi
KURS ISHI

Ilmiy rahbar: Dotsent Isaqova M

Farg‘ona- 2019


MUNDARIJA
Kirish……………………………………………………………………….
I bob. Talaba yoshlarda mustaqil fikrlashni rivojlantirishda psixologik konsultatsiyaning metodologik muammolari
1.1. Muloqot psixologiyasining olimlar tomonidan o‘rganilishi..............................................................................................................
1.2. Muloqotning ijtimoiy psixologik qonuniyatlari va unga o‘rgatishning noan’anaviy usullari..........................................................................................
II bob. Talaba yoshlarda mustaqil fikrlashni rivojlantirishda psixologik konsultatsiyaning emperik tahlili
2.1. Muloqotda shaxs tiplarining namoyon bo‘lishi.....................................
2.2. Muloqotda noan’anaviy usullarni qo‘llash orqali shaxslararo munosabatlarni barqarorlashtirish...................................................................
Xulosa…………………………………………………………………..…..........
Tavsiyalar……………………………………………………………….….........
Adabiyotlar ro‘yhati…………………………………………………….............
Ilovalar…………………………………………………………………............

Kirish

Jamiyatimiz hayotida ro‘y berayotgan barcha o‘zgarishlarning ijtimoiy-psixologik mohiyati yoshlarimiz tomonidan shaxslarao munosabatlar jarayonida o‘zlashtiriladi. Davrimiz insonni mustaqil fikrli shaxs sifatida har bir soniyada o‘ylashga, fikrlashga, mulohaza yuritib, o‘zi uchun xulosalar chiqarishga majbur etmoqda. Zero, mustaqillik yillarida yosh avlod kundalik muomalasi va turmush tarzining jamiyat me’yorlariga mosligi ularda sog‘lom g‘oya va dunyoqarashning shakllanishiga zamin yaratadi. Bu haqda davlatimiz birinchi rahbari I.A.Karimov “O‘zining hayotini, oldiga qo‘ygan maqsadlarini aniq tasavvur qila oladigan, o‘z kelajagi haqida qayg‘uradigan millat hech bir davrda milliy g‘oya va milliy mafkurasiz yashamagan va yashay olmaydi”¹, deb ta’kidlaydi.

Muloqot odamlar amalga oshiradigan faoliyatlar ichida etakchi o‘rinni egallab, u insondagi eng muhim ehtiyojni-jamiyatda yashash va o‘zini inson, shaxs deb hisoblash bilan bog‘liq ehtiyojini qondiradi. SHu bois ham uning har bir inson uchun ijtimoiy ahamiyati kattadir. CHunki, har bir shaxsning jamiyatda amalga oshiradigan ishlari ya’ni, mehnat, o‘qish, o‘yin, ijod qilish va boshqalar bo‘ladiki, ular o‘zaro munosabat va o‘zaro ta’sir shakllarini o‘z ichiga oladi. Har qanday ish odamlarning bir-birlari bilan til topishishlarini, bir-birlariga turli xil ma’lumotlarni uzatishni, fikrlar almashinuvi kabi murakkab hamkorlikni talaba qiladi. SHuning uchun ham har bir shaxsning jamiyatda tutgan o‘rni, ishlarining muvafaqqiyati, orttirgan obro‘si uning muloqotga kirisha olish qobiliyati bilan bevosita bog‘liqdir.
YUksak informatsion-texnologiyalar asri bo‘lmish XXI asrda odamning eng tabiiy bo‘lgan muloqotga ehtiyoji, uning sirlaridan habardor bo‘lish va o‘zgalarga samarali ta’sir eta olishga bo‘lgan intilishi yanada oshdi. CHunki, axborotlar tig‘iz bo‘lgan sharoitda insoniy munosabatlarda shaxslardan professional bilimdonlik asosidagi muloqot talab qilinmoqda. Axborotlarning ko‘pligi aynan inson manfaatiga aloqador ma’lumotlarni saralash, u bilan to‘g‘ri munosabatda bo‘lishni taqozo etdi. Axborot XXI asrda eng nodir kapitalga aylanadi va bu o‘z navbatida insonlarga zarur axborotlar uzatilishi tezligi va tempini o‘zgartiradi. Zero, o‘z ruhiy kechinmalarini boshqarish, yaqinlari va boshqalar bilan samimiy, sog‘lom munosabatda bo‘lish istagi shaxslarda kun sayin ortib bormoqda. Mamlakatimizda o‘zining sifat bosqichi doirasida muvafaqqiyatli amalga oshirilayotgan Kadrlar tayyorlashning milliy dasturi barcha ishlarimizning amaldagi g‘oyaviy yo‘nalishini belgilaydi va birinchi yurtboshimiz Islom Karimov ta’kidlaganlaridek, “yoshlarimizning iymon-e’tiqodini mustahkamlash, irodasini baquvvat qilish, ularni o‘z mustaqil fikriga ega bo‘lgan barkamol insonlar etib tarbiyalash² ishining samaradorligini oshiradi.