Ролик суҳбат: 1 Мухбир

Мухбир: Бугунги кунда республикамиздаги автомобил йўллари тармоғининг узунлиги 209,5 минг километрни ташкил қилади. Ушбу йўлларнинг 190 минг километр қисмининг юк кўтариш қобилияти 5-8 тоннага мўлжалланган.
Шундай йўлларда белгиланган меъёрдан оғир вазнли транспорт воситаларининг ҳаракатланиши натижасида босимга бардош беролмай бузилиш ҳолатларига олиб келмоқда. Айниқса, ёғингарчилик кунларида кўплаб носозликларни келтириб чиқармоқда. Мазкур ҳолатларни тезкор бартараф этиш ҳамда автомобил йўлларидаги носозликларнинг олдини олиш мақсадида “Ўзавтойўл” қўмитаси томонидан амалий ишлар олиб борилмоқда.
РОЛИК
Суҳбат: 1
Мухбир: Жорий йил 1 январ ҳолатига республикадаги таъмирталаб йўллар узунлиги 65,7минг километрни ташкил этиб, ушбу таъмирталаб йўлларни 2022-2025 йилларда босқичма-босқич таъмирлаш бўйича дастур ишлаб чиқилди.
Жорий йилнинг феврал-март ойларида меъёрдан ортиқ ёғингарчиликлар натижасида автомобил йўлларида юзага келган носозликларни бартараф этиш бўйича республиканинг ҳар бир ҳудудида тезкор гуруҳлар ташкил этилиб, таъмирлаш ишлари икки босқичда олиб борилмоқда.
Суҳбат: 1. 2-қисм
Мухбир: Замонавий йўл инфратузилмаси, албатта, инсонларнинг хавфсиз ҳакатланиши учун муҳим. Бу ўз навбатида йўллардаги мавжуд йўл белгиларини замонавийларига алмаштириш, йўл чизиқларини юқори сифатли термопласт бўёқлари орқали чизишни ҳам талаб этади. Бу ишлар бўйича қўмита томонидан дастлабки ишлар олиб борилмоқда.
Суҳбат: 1. 3-қисм
Мухбир: Шунингдек, таъмирлаш жараёнлари Тошкент – Ўш А373 халқаро автомобил йўлининг “Қамчиқ” довонидан ўтган 100км қисмида ҳам олиб борилмоқда. Шу билан бирга, мазкур йўлда автомобилларнинг ҳаракат қатновини бошқариш ва халқаро стандартлар талаби асосидаташкил этиш мақсадида ахборот-коммуникасия тизимига асосланган замонавий рақамли интеллектуал технологияларни қўллаш тизими ташкил этилмоқда.
Суҳбат: 2.
Мухбир: Албатта, йўллардаги таъмирлаш жараёнлари босқичма-босқич юртимиз ҳудудларида олиб борилмоқда. Сирдарё вилоятидаги жараёнлар сўзимиз исботи.