Роботнинг электр юритмаси элементи сифатида асинхрон двигателнинг тавсифларини тадқиқот қилиш Ишнинг мақсади

1. 
   лаборатория иши
   

Роботнинг электр юритмаси элементи сифатида асинхрон двигателнинг тавсифларини тадқиқот қилиш


Ишнинг мақсади - ижрочи асинхрон двигателнинг тузилиши, ишлаш принципи билан танишиш ва тавсифларини экспериментал тадқиқот қилиш.


Назариядан қисқача маълумот

Асинхрон ижрочи моторлар уларга берилаётган электр сигналини ўқнинг механик ҳаракатига айлантириш учун ишлатилади. Берилган тормозловчи моментда двигател тезлиги берилаётган кучланишга қатъий мос келади ва унинг амплитудаси ёки фазаси ўзгариши билан ўзгаради.

Ижрочи ўзгарувчан ток двигатели сифатида қисқа туташган роторли ва ичи бўш роторли икки фазали асинхрон моторлар асосан ишлатилади. Статорнинг битта чулғами қўзғатиш чулғами деб аталиб, доимий таъсир қийматли кучланиш U_қ ли ўзгарувчан ток тармоғига уланган. Бошқариш кучланиши деб аталувчи статорнинг иккинчи чулғамига бошқариш кучланиши U_б, берилади. Ижро двигателни тезлигини бошқариш уч усули мавжуд: амплитудали, фазали ва амплитуда-фазали.
Амплитудали бошқариш билан фақат бошқариш кучланишининг амплитудаси ўзгаради. Бошқариш кучланиши Uб, сигнал коэффициенти билан баҳоланиши мумкин
а = U_б/U_қ
Коеффициент а нинг барча қийматларида бошқариш ва қўзғатиш кучланишларининг векторлари 90°бурчак ҳосил қилади.
Фазавий бошқариш билан бошқариш кучланиши Uб амплитуда бўйича ўзгаришсиз қолади ва тезликни бошқариш қўзғатиш ва бошқариш кучланиши векторлари орасидаги фазавий силжиш бурчаги β ни ўзгартириш орқали эришилади. Қўзғатиш ва бошқариш кучланиши векторлари U_б ва U_қ орасидаги фаза ўзгариш бурчаги синусига тенг қиймат фазани бошқариш учун сигнал коэффициенти деб олинади, яъни а = sin β.
Амплитуда-фазали бошқаришда статор чулғамига берилаётган кучланишнинг амплитудаси ҳам, кучланишлар орасидаги фаза ўзгариш бурчаги ҳам U_б ва U_қ ўзгаради. Бу усул амалда қўзғатиш чўлғамига конденсаторни ўрнатишни ўз ичига олган ҳолда амалга оширилади, шунинг учун амплитуда-фазали бошқариш схемаси кўпинча конденсаторди деб аталади.
Барча бошқариш усуллари билан асимметрик эллиптик магнит майдон яратилиши туфайли асинхрон двигателнинг тезлиги ўзгаради.