Рўйхатга олинган

Бошқа харажатлар

11. Бошқа харажатлар, агар улар товар-моддий заҳираларни манзилига етказиш пайтида ёки уларни тегишли ҳолатга келтириш вақтида пайдо бўлган тақдирдагина товар-моддий заҳираларнинг таннархига киради Масалан, ноишлаб чиқариш қўшимча харажатлари ёки муайян мижозлар учун маҳсулот ишлаб чиқариш сарфларини товар-моддий заҳиралар бўйича харажатларга киритиш имконияти вужудга келиши мумкин.

12. Товар-моддий заҳираларнинг ишлаб чиқариш таннархига киритилмайдиган харажатлар давр харажатлари деб эътироф этилади:
12.1. Сотиш харажатлари;
12.2. Бошқарув харажатлари (маъмурий харажатлар);
12.3. Бошқа операцион харажатлари ва зарарлар.
ХИЗМАТ СОҲАСИ КОРХОНАЛАРИ УЧУН ТОВАР-МОДДИЙ ЗАХИРАЛАРНИНГ ТАННАРХИ

13. Хизматларни таъминлашда товар-моддий заҳираларнинг таннархи асосан хизматлар кўрсатиш билан бевосита банд бўлган ходимларга, шу жумладан назорат ходимларига иш ҳақи харажатларидан ва бошқа харажатлардан ҳамда шу билан боглиқ. қўшимча харажатларидан иборат. Меҳнат ҳақи харажатлари ва сотиш ҳамда маъмурий-бошқарув харажатлари билан боглиқ. бошқа харажатлар таннархга киритилмайди, аммо улар амалга оширилган пайтдаги давр харажатлари сифатида эътироф этилади (ҳисоб-китобда акс эттирилади).

ТАННАРХНИ ҲИСОБГА ОЛИШ УСУЛЛАРИ

14. Маҳсулот (ишлар, хизматлар) таннархини ҳисобга олиш усуллари маҳсулот ишлаб чиқариш турига, хилига боглиқдир. Меъёрий, буюртма, қайтадан ҳисобга олиш асосий ҳисобга олиш усулларидир. Чакана савдода харажатларни инвентар баҳолаш усули ҳам қўлланилади. Ҳисобга олишнинг меъёрий усули белгиланган меъёрлар бўйича хом ашё ва материаллардан фойдаланишни, иш ҳақи, иқтисодий ва ишлаб чиқариш қуввати бўйича меъёрий кўзда тутади. Меъёрлар вақти-вақти билан таҳлил қилиб турилади ва зарур ҳолларда жорий шартларга мувофиқ қайтадан кўриб чиқилади.

15. Чакана савдода харажатларни инвентар баҳолаш усулидан бирликлари тез ўзгарувчи, тахминан бир хил фойда меъёрига эга бўлган ва калькуляцияда бошқа усулларни қўллаб бўлмайдиган катта миқдордаги товар-моддий заҳираларни ўлчаш учун чакана савдо корхоналарида фойдаланилади.