Рўйхатга олинди №

Ўқув услубий бошқарма бошлиғи:___________ Ядгаров К


Кириш

“Бионоорганик кимёнинг долзарб муаммолари” фанини ўқув дастурида координацион кимёни замонавий усуллардан фойдаланган ҳолда, тирик организмдаги ва атроф муҳитдаги биометалларнинг ролини ўрганиш асослари баён қилинади. Бу жараёнда металларни организмдаги шаклларига, уларнинг координацион кимёвий таъсирига аҳамият берилади ҳамда бионоорганик кимёнинг амалий аспектлари кўриб чиқилади.

Фаннинг мақсади ва вазифалари
Фанни ўқитишдан мақсад ноорганик кимё мутахассислиги бўйича таълим олаётган магистрантларга ноорганик кимё, органик кимё, ҳамда биокимё, биология ва тиббиёт фанлари чегарасида пайдо бўлган янги фан бўйича чуқур билим беришдан иборат. Жумладан, бионоорганик бирикмаларни (биокомплекслар) оддий бирикмалардан фарқланишини, уларнинг асосий кимёвий хоссаларини тушунтиришда координацион назариянинг аҳамияти, биокоординацион бирикмалар иштирокида борадиган жараёнларнинг механизмларини тушунтириш.
Фаннинг вазифаси - биометалларнинг (ҳаёт металларини) биолигандлар билан таъсирлашиши, биометалларнинг Д.И.Менделевнинг даврий системасида жойлашган ўрни, биокомплексларда кимёвий боғ табиати, биокомплексларнинг тузилишини ўрганиш ҳамда s-, p-, d- ва f-элементларга ажратилган элементларнинг биологик ролини тушунтирилишидан иборат.


Фан бўйича талабанинг билим, малака ва кўникмаларига
қўйиладиган талаблар

“Бионоорганик кимёнинг долзарб муаммолари” фанини ўзлаштириш жараёнида амалга ошириладиган масалалар доирасида магистрант:

• 
  биометаллар, -макро-, микро- ва ультрамикро-элементлар; биолигандлар турлари; биометалл ва биолигандларнинг реакцияга киришиш механизмлари; s-, p-, d- f-блок элементларининг биокимёсининг назарий асослари; металл ионлари ва хелат бирикмаларини кимё-терапияда қўлланилишининг механизмлари; биологик системаларда металл ионларининг ўрни; биокомплексларнинг қўлланилиш соҳалари ҳақида тасаввурга эга бўлиши;
  
• 
  биометалларни бўлиш шаклларини; биометалларнинг координацион-кимёвий тавсифларини; биокомплекслар тузилиши ва хоссаларини аниқлашда назарий кимё қонуниятларини қўллашни билиш ва улардан фойдалана олиш;
  
• 
  тирик организмларда содир бўладиган кимёвий ферментатив жараёнларни тушунтира олиш; биокомплексларнинг синтез қилиш шароитларини аниқлай олиш; биометалларнинг миқдорий ва сифат таркибини аниқлай олиш; бирикмаларнинг кимёвий ва биологик фаоллиги ўртасидаги боғлиқликни тахлил қила олиш; биокомплексларнинг таркиби, тузилиши ва хоссаларини аниқлашда замонавий физик-кимёвий тадқиқот усулларни қўллай олиш кўникмаларига эга бўлиши керак.