Рисола-и хожа азийзон

Еттинчи шарт – Аллоҳ таъолонинг ҳукмига (тақдирига, қазосига) рози бўлмоқлик. 
Ҳар ишда, ҳар доим Аллоҳ таъолога таваккул айламоқлик.
 
Саккизинчи шарт – Солиҳ инсонларнинг суҳбатини ихтиёр айламоқлик. Фасод 
аҳлидан ва заъифаларнинг суҳбатидан қочмоқлик. Чунки булар толиб-и содиқнинг 
маънавий тараққий айлашига ҳижоб бўлурлар. Ҳатто номаҳрамга боқмоқлик ҳам унинг 
маънавий тараққий айлашига ҳижобдир. 
 
Тўққизинчи шарт – Бедорлик ва Аллоҳ таъолога муҳаббат.
Аллоҳ таъоло Сўзи бор: 
 مٌّيقلا ّيحلا ٌى ّلاإ ولإ لا الله
مٌن لا ً ةنس هذخأت لا
“Аллоҳ – Ундан ўзга илоҳ йўқдир. (У) ҳамиша Барҳаёт ва абадий Турувчидир. 
Уни на мудроқ тутар ва на уйқу” (Бақара, 255). 
Жаноб Расулуллоҳ (ул Зотга ва Аҳлларига Аллоҳ таъолонинг саломлари ва 
раҳматлари бўлсин!) айтдилар: ًلاعت الله قلاخأب اىمّلخت – “Аллоҳ таъолонинг “ахлоқи” билан 
хулқланинглар!”. 
Тун Ҳаққ таъолога ошиқ бандаларнинг хилватхонасидирки, улар ниёз ила 
беташвиш-и ағйор Ҳаққ субҳонаҳу ва таъолога ёлворурлар. Ҳаққ йўлининг соликлари
ҳар неки давлат, неки саъодат топдилар - кечаси (тоъат-ибодат билан машғул ҳолда) 
бедор бўлиш билан топибдирлар. 
 
Ўнинчи шарт – Луқмага пурдиққат бўлмоқлик. Токи луқмаси ҳалол ва пок 
бўлсин. Ва бу аслида фарздир. Аллоҳ таъоло Сўзи:
ابّيط لالاح ضرلأا ىف اّوه اٌلك
“Эй, одамлар, ердаги ҳалол-пок нарсалардан тановул қилингиз” (Бақара, 168). 
Жаноб Расулуллоҳ (ул Зотга ва Аҳлларига Аллоҳ таъолонинг саломлари ва 
раҳматлари бўлсин!) айтдилар:
“Ибодат ўн қисмдир: тўққизи ҳалолни талаб айламоқлик ва қолган бир 
қисми эса барча тоъат-ъибодатлардир”. 
Ҳалол улдирки, ейилганида у Аллоҳ таъолога осийликка сабаб бўлмас. Тоййиб 
улдирки, уни еб-ичган вақтда “Тоъат-ибодатга қувват бўлсин”, деган ният билан еб – 
ичилур. Ҳалол нарса пок бўлур ва уни зинҳор исроф айламагай. 
Шу нарса комилликнинг мояси (мағзи)дирки, таъомни таҳоратли ҳолатда ва зикр 
билан пиширмоқ лозим, токи у ғафлатга сабаб бўлмасин.
Хожа-и Хизр алайҳи-с-салом Хожа Абдулхолиқ Ғиждувонийнинг - қаддасаллоҳу
таъоло руҳаҳу - дастурхонлари олдида ҳозир бўлдилар. Лекин ҳеч нарсага қўл 

---

“Рисола-и хожа азийзон” Хожа Азийзон Алий Ромитаний(қ.с)
 
Баҳриддин Умурзоқ таржимаси
www.ahlisunna.uz
 
 
узатмадилар, яъни ҳеч нарса емадилар ва айтдиларки: ”Бу ноннинг хамирини қорган 
киши бетаҳорат экан. Бизга бу(ндай) луқмани емоқлик жоиз эмас”. 
Аллоҳ таъоло бизларни ва барча суйганларимизни ҳалол-у тоййиб билан 
ризқлантирсин! Омин йо Рабба-л-ъоламийн. 
Таржимон ва нашрга тайёрловчи: Баҳриддин Умурзоқ.