“Рискларни бошқариш” фанига кириш, рискнинг моҳияти ва ўзига хос хусуситялари Рискларни бошқаришнинг фаниниг долзарблиги

“Рискларни бошқариш” фанига кириш, рискнинг моҳияти ва ўзига хос хусуситялари

Рискларни бошқаришнинг фаниниг долзарблиги:

Ҳар бир хўжалик юритувчи субъект мустақил равишда муайян вазиятни баҳолайди ва қарор қабул қилади. Хўжалик юритиш фаолияти борган сари “бозорга кириб” бормоқда, тадбиркорлик фаолиятига кутилмаган ноаниқ унсурлар олиб кирилмоқда, рискларни самарали бошқариш вазиятларини қўллаш кўлами тобора кенгайиб бормоқда.
Бугунги кунда амалда бўлган бозор тизимини таваккал – хатарларсиз тасаввур этиб бўлмайди. Шу боисдан иқтисодий хавфсизликни таъминлашда корхоналар фаолиятини ривожлантиришда рискларни самарали бошқариш ва таъсир даражасини минималлаштириш ўта муҳим масалалардан бири ҳисобланади. Ушбу масалаларни амалга оширишда “Рискларни бошқариш” фанида ўрганиладиган мавзулар ва назарий-амалий масалалар муҳим аҳамият касб этади.
“Рискларни бошқариш” фани корхона фаолиятини самарали олиб боришда рискларни таъсир даражасини аниқлаш, уларни бартараф этиш бўйича илмий ва услубий асосларини ўрганади.

Режа:

• “Рискларни бошқариш” фанининг предмети, мақсади ва вазифалари
• Рискларнинг моҳияти, мазмуни ва ўзига хос хусуситялари
• Иқтисодиётни трансформациялаш шароитида рискларни зарурати

“Рискларни бошқариш” фанининг предмети, мақсади ва вазифалари

Кейинги йилларда рисклар тадқиқ этилган қатор илмий ишларда уларни минималлаштиришни амалга ошириш борасида маълум натижаларга эришиш таъкидлансада, мазкур жабҳада ҳамон ўз ечимини кутаётган қатор муаммолар мавжуддир.
Хусусан, бу жараёнда рискларнинг моҳияти, уларнинг юзага келиш сабаблари ва ўзаро боғлиқлиги, шунингдек, оқибатларини камайтиришга қаратилган фаолият, яъни риск-менежмент имкониятларини тадқиқ этиш иқтисодий фанларнинг долзарб мавзуларидан бири ҳисобланишини қайд этиш ўринлидир.

“Рискларни бошқариш” фанининг предмети