Rgb modeli. Cmyk modeli. Hsv modeli

«TASTÍYÍQLAYMAN»

Oqıw isleri boyınsha direktor

orınbasarı ____________A.Abdinayımova

«_______»____________________2021j

Tema: Reń modelleri

Reje:

1. 
   RGB modeli.
   
2. 
   CMYK modeli.
   
3. 
   HSV modeli.
   

Kompyuter grafikasında reń júdá zárúr. Qandayda bir reńler qospasınan alıw múmkin bolmaǵan reńler tiykarǵı reńler dep ataladı. Qızıl, jasıl hám kók reńler - tiykarǵı reńler esaplanadı. Olardı birdey aralastırsaq aq payda boladı.

RGB modeliniń atı Red-qızıl, Green-jasıl hám Blue-kók baslanǵısh reńlerdiń bas háriplerinen alınǵan bolıp, bul reńlerdiń túrli proporciyalarda aralastırıw nátiyjesinde ko'riniwshi spektrdiń hár túrli basqa reńlerin alıw múmkin. Baslanǵısh reńlerdiń qospasınan ekilemshi kók (cyan), aqshıl qızǵılt (розовый) reń (magenta) hám sarı (yellow) reńler payda boladı.


RGB modeli.

RGB modeliniń qurawshıları 0 den 255 ke shekem qabıllawı múmkin. R=255, G=255, B=255 bolǵanda aq reń, R=0, G=0, B=0 bolǵanda bolsa qara reń payda etiwimiz múmkin.

CMYK modeli.

CMYK modeli boyawlardıń nurın tartıw qábiletine tiykarlanǵan. Aq reńniń nur ótetuǵın boyawdan ótiwinde spektrniń bir bólegi jutıladı. Jutılmaǵan nur qaytadı hám adam kózine túsedi.

Reńler kók (Cyan), aqshıl qızǵılt reń (Magenta) hám sarı (Yellow) reńler qospasınan payda boladı. Olardıń tolıq qospasınan qara (black) reń payda boladı. Modeliniń qurawshıları 0 den 100 ge shekem baha qabıllawları múmkin.
HSB (HSV) modeli. Model atı ańǵa tiykar bolǵan úsh komponenttiń bas háriplerinen alınǵan: Hue - reń toni; Saturation - toyınǵanlıq; Brightness - ayqınlıq. Model adam kóziniń reńdi seziwine tiykarlanǵan.




HSV modeli.

Reń toni 0 den 360 gradusqa shekem diapszondaǵı múyesh úlkenligi menen xarakterlenedi.

Toyınǵanlıq (yamasa xromatiklik) reńniń tazalıq dárejesi bolıp tabıladı. Ol kúl reńniń basqa reńge qatnası menen anıqlanadı (0% - kúl reń, 100% - tolıq toyınǵan reń).

Reńniń jaqtılıǵı 0 den 100 ge shekem ózgeriwi múmkin.