Review of law sciences

Бахшилло Камолович Ходжаев, 
Тошкент давлат юридик университети
«Бизнес ҳуқуқи» кафедраси мудири 
ЎЗБЕКИСТОНДА ЧАЛҒИТУВЧИ РЕКЛАМАЛАРНИ ТАРТИБГА СОЛИШДА 
РАҚОБАТНИНГ ЎТИШ ДАВРИ МОДЕЛИ: МУҚОБИЛ ЁНДАШУВ 
 
Аннотация: 
чалғитувчи рекламаларни тартибга солишнинг мураккаблиги бозорда 
рақобатчилар, истеъмолчилар ва давлат манфаатлари ўртасида ўзаро мувозанатни 
таъминлашни талаб қилади. Рақобат ҳуқуқи ва бу борада давлат сиёсати бозорда 
рақобат жараёнини, иқтисодий самарадорликни ҳамда истеъмолчи фаровонлигини 
таъминловчи асосий восита ҳисобланади. Ҳар бир давлат ички ижтимоий-иқтисодий 
шарт-шароитлардан келиб чиқиб муайян моделга асосланган ҳолда рақобат соҳасида ўз 
қонунчилигини ва сиёсатини ишлаб чиқади. Ҳозирги кунда аксарият давлатлар томонидан 
қўлланилаётган иккита умумий рақобат ҳуқуқи модели, яъни анъанавий ва замонавий 
рақобат ҳуқуқи моделлари мавжуд. Ривожланган мамлакатлар аллақачон анъанавий 
моделдан ривожланган рақобат ҳуқуқи моделига ўтган бир пайтда ривожланаётган 
давлатлар ҳанузгача анъанавий йўлини сақлаб қолмоқда. Ўзбекистон МДҲнинг бошқа аъзо 
давлатлари каби чалғитувчи рекламаларга нисбатан анъанавий рақобат моделини жорий 
этиб, шу билан бирга замонавий рақобат моделининг айрим элементларини унинг ҳақиқий 
моҳиятини тушунмаган ҳолда қўллаб келмоқда. Амалдаги модел ундаги ривожланмай 
қолган стандартлар туфайли чалғитувчи рекламаларга қарши кураша олмайди. Нотўғри 
рекламанинг мавжуд хусусиятларини ҳисобга олган ҳолда Ўзбекистон бозорига замонавий 
рақобат моделини қўллаш ҳам мақсадга мувофиқ эмас. Шундан келиб чиқиб, мазкур 
мақолада нафақат Ўзбекистонда, балки МДҲнинг бошқа аъзо давлатларида нотўғри 
реклама муаммоларини ҳал қила оладиган ўтиш даврининг рақобат моделини муқобил 
назарий ёндашув сифатида ишлаб чиқиш таклиф этилмоқда.