Restoran biznesini shakllanishining o’ziga xos xususiyatlari

Ofitsiantlarni xizmatga tayyorlash. Bosh ofitsiant xizmat qilish, dasturxonni tuzash, yasatish, kofe stollarini tayyorlash, bufet mahsulotlarini olish va tayyorlash bo`yicha ofitsiantlarni tayyorlaydi. Bosh ofitsiant mehnat taqsimoti tamoyili asosida rahbarlik qiladi. 2 – 4 mehmonga bitta ofitsiant xizmat qiladi yoki bir ofitsiant taom keltirsa, ikinchisi ichimlik olib keladi.

Tajriba yana shuni ko`rsatadiki, banket 50 – 60 daqiqa davom etadigan bo`lsa, xizmatni qo`yidagicha tashkil qilish mumkin. 12 – 16 mehmonga 3 – ta ofitsiant xizmat qiladi, ikkitasi taomlar, bittasi ichimlik keltiradi. Ba‘zi hollarda tegishli miqdordagi mehmonlarga birgina ofitsiant xizmat qiladi, ham ovqat, ham ichimliklar bilan o`zi ta‘minlaydi.

Bosh ofitsiantning vazifasi banket kim va nima munosabat bilan o`tkazilayotganini ofitsiantlarga tushuntirish, banket boshlanadigan kun, bosh ofitsiant hamma ofitsiantlarni yig`ib, banket qachon boshlanishi, mehmonlar soni, tarkibi haqida ma‘lumot beradi. Mehmonlarni qabul qilib olish, joy – joyiga o`tkazish rejalari bilan tanishtiradi, taom, ichimliklar taomnomasi, banket stollarini yasatish xususiyatlari haqida ko`rsatma beradi.