Respublikasi oliy va

1. SO’Z BOShI


“Korxona iqtisodiyoti” fanidan talabalarga bilim berishdan maqsad – ularga

moddiy ne’matlar qaerda va qanday sharoitlarda, kimlar tomonidan, qaysi

texnologiya, xom ashyo va materiallar ishtirokida bunyod etilishini tasavvur

qildirishdir; xom ashyo resurslarini tayyor mahsulotga aylantirish, uni iste’molchiga

etkazish jarayonlari qanday kechadi, uni kim qanday tashkil etadi, foydaga qaysi

yo’llar bilan erishadi va u qanday taqsimlanadi, degan bir qancha savollar ustida

ularni fikr laydigan va yaratilgan ne’matlar qadriga etadigan kadrlar qilib

tarbiyalashdir. Shu bilan bir vaqtda keyingi yuqori kurslarda o’qitiladigan

“Mikroiqtisodiyot” fani va boshqa fan sohasidagi bilimlarning ham mutanosibligini,

bog’lanishini mukammal bo’lishini ta’minlashdir.


Shu nuqtai nazardan “Korxona iqtisodiyoti” fani barcha iqtisodiyot va moliya -

kredit mutaxassisligi talablari uchun juda ham zarur.


Ushbu fanning vazifasi – jamiyatning butun hayot - mamotini hal qiluvchi

dastlabki ishlab chiqarish bo’g’inlarida turli xildagi moddiy ne’matlarni yaratish

yoki xizmat ishlarini bajarish jarayonidagi eng muhim iqtisodiy masalalarni

o’rgatib, keyinchalik ular yordamida korxonalarning, moliya va bank tashkilotlari

ishining samarador bo’lishini ta’minlashdir. Ushbu fanda korxona resurslaridan

unumli foydalanish omillari, mahsulot sifatini oshirish, uni raqobatbardosh

bo’lishini ta’minlash yo’llari, mahsulot ishlab chiqarish xarajatlarini kamaytirish

yo’llari izlanadi.


“Korxona iqtisodiyoti” fanida korxona iqtisodiyotining ilmiy asoslari, ishlab

chiqarishni tashkil etish shakllari, usullari, qoidalari amaliy mashg’ulotga

asoslangan holda o’rganiladi.


“Korxona iqtisodiyoti” bir qator iqtisodiy fanlar: Mikroiqtisodiyot, statistika

nazariyasi, buxgalteriya hisobi, iqtisodiyot nazariyasi, moliya, bank ishi, korxonalar

xo’jalik faoliyatini tahlili, tadbirkorlikning huquqiy asoslari, menejment

investitsiyalarni tashkil etish va moliyalashtirish va boshqa fanlar bilan uzviy

aloqador bo’ladi.