Respublikasi oliy va o‘rta maxsus ta’lim vazirligi

XODIMLARNING SOG‘LIG‘I VA XAVFSIZLIK TEXNIKASI NAZORATI


Hamma xodimlarni tibbiy ko‘rikdan o‘tkazishdan asosiy maqsad, ularning sog‘lig‘ini himoya qilish va umumiy ovq- atlanish sohasida kasal odamlar bo‘lmasligiga erishish, om- maviy infeksiyalar, ovqatdan zaharlanishning oldini olishdan iborat.
Umumiy ovqatlanish tashkilotlariga ishga kiradiganlar- ning hammasi tibbiy ko‘rikdan o‘tishi shart, chunki ular oziq- ovqat mahsulotlari, jihozlar, inventar, idish-tovoq, mahsulot solinadigan idishlar va hokazolar orasida bo‘ladilar va bevosita, ular ishlaydilar. Tibbiy tekshiruv mahalliy tibbiyot muassasasi ajratgan maxsus shifoxonada yoki sanepidnazorat belgilagan jihozlangan umumiy ovqatlanish korxonasining binosida o‘tkaziladi.
Umumiy ovqatlanish sohasiga ishga kiruvchilarning ayrimlarini terapevt shifokordan tashqari dermatovenerolog ham tekshiradi (ofitsiant, oshpazlar, direktor, bufetchilar).
7 2
Gonoreya, zajm, spid kasalliklari bo‘yicha labaratoriya tek- shiruvi o‘tkaziladi. Hamma xodimlar rentgen tekshiruvidan o‘tishlari shart. Ishga kiruvchilar gelmint, sistit, tif, parativ, dizenteriya, salmonelloz kasalliklari bo‘yicha ham tekshiriladi. Xodimlarning hammasi gigiyena tayyorgarligi bo‘yicha dars o‘tishi va zachyot topshirishi shart. Ba’zi kasalliklarning oldini olish maqsadida xodimlarni emlash ishlari amalga oshirila- di. Bu o‘tkazilgan tekshiruvlar, laboratoriya tahlil natijalari, profilaktika tadbirlarining hammasi — xodimning shaxsiy tibbiy daftarchasiga yoziladi. Shaxsiy tibbiy daftarcha har bir xodimda bo‘lishi, unda ismi, familiyasi, lavozimi, ish joyi yozilishi lozim. Daftarchada rasm va idora muhri bo‘ladi. Keyinchalik umumiy ovqatlanish soha xodimlari har olti oyda bir marta terapevt va dermatovenerolog ko‘rigidan o‘tadilar, bir yilda bir marta flurografiyada o‘pkani tekshirtira- dilar. Har ikki yilda bir marta sanitariya minimumi bo‘yicha gigiyenik tayyorgarlikdan o‘tib, zachyot topshiradilar. Bularning hammasi xodimning shaxsiy tibbiy daftarchasiga qayd qilinadi. Tibbiy daftarchasida mavjud hamma yozuvlar
jurnalga yoki kompyuterga kiritiladi.
Yuqorida aytilgan yuqumli kasallik alomatlari bor shaxslar umumiy ovqatlanish korxonalariga ishga olinmaydi. Lekin bir necha xil kasalliklar borki, ishlab turib davolanishga ishxona imkoniyat yaratib beradi. Bordi-yu, bunday kishilar davolanishdan bosh tortsa, ishdan bo‘shatiladi.