Respublikasi oliy va o’rta maxsus ta’lim vazirligi andijon mashinasozlik instituti

Masalan: Korxona iyung’ oyida tannarxi 500,0 ming so’mlik zargarlik buyumlarini ishlab chiqarilgan. Mahsulotga talab bo’lmaganligi sababli korxona uni past narxda 380,0 ming so’mga ish haqi xisobidan ishchilarga sotdi (QQS va aktsiz solig’ini hisobga olmaganda).
Echimi: Realizatsiya qilish tannarxdan past bo’lgan narxda amalga oshirilganligi sababli, soliq solinadigan baza sifatida 500,0 ming so’m olinadi (tannarx). Zargarlik buyumlari uchun aktsiz solig’i 25% etib belgilangan. Aktsiz solig’i summasi: 500,0 x 25% = 125,0 ming so’m

Qaytarib berish sharti bilan qayta ishlangan xom ashyo va materiallardan ishlab chiqarilgan aktsiz to’lanadigan tovarlar bo’yicha soliq bazasi aktsiz to’lanadigan tovarlarni ishlab chiqarishga doir ishlarning qiymatini hamda qaytarish sharti bilan qayta ishlangan xom ashyo va materiallarning qiymatini o’z ichiga oladi.

Masalan: «A» korxona buyurtmachining polietilen granulalarini qayta ishlab chiqarish bo’yicha xizmatlar ko’rsatdi. Qayta ishlashga olingan xom ashyoning qiymati – 40,0 mln so’m. Bunda korxonaning xizmat haqqi 15,0 mln. so’mni tashkil etdi.

Echimi: Poltetilen granulalariga aktsiz solig’i 30% etib belgilangan. Soliq solinadigan baza 55,0 (40,0 + 15,0) mln so’mni tashkil etadi Aktsiz solig’i summasi 55,0 x 30% = 16,5 mln. so’m

Aktsiz to’lanadigan tovarlarga nisbatan qat’yy belgilangan va advalor soliq stavkalaridan iborat bo’lgan aralash soliq stavkalari belgilangan bo’lsa, soliq bazasi, aktsiz to’lanadigan tovarlarning naturada ifodalangan hajmidan hamda realizatsiya qilingan aktsiz to’lanadigan tovarlarning qiymatidan kelib chiqqan holda aniqlanadi.