Respublikasi oliy va o’rta maxsus ta’lim vazirligi andijon mashinasozlik instituti

5.To’lash muddatlari

Soliq to’lovchilar tomonidan soliq hisoboti har bir hisobot va soliq davri tugagandan keyin soliq hisobida turgan joydagi, noruda qurilish materiallari bo’yicha esa - qazib olish amalga oshirilgan joydagi soliq organlariga taqdim etadi.

Soliqni to’lash quyidagicha amalga oshiriladi:
yuridik shaxslar tomonidan - har oyda keyingi oyning 20 sanasidan kechiktirmay;
jismoniy shaxslar tomonidan - yilda bir marta, soliq davridan keyingi yilning 1 fevralidan kechiktirmay.


Amaliy masala: Korxona uglevodorod xom-ashyosini qazib olish va qayta ishlash faoliyatini amalga oshiradi. 2022 yilning Fevral oyida jami 400 000 m3 tabiiy gaz qazib olgan va realizatsiya qilingan. Tabiiy gazning sotish bahosi 217,391 so’mni tashkil etadi. Normativ yo’qotish mavjud emas.
Er qahridan foydalanganlik uchun soliq summasini hisoblang.
Demak, jami 400 000 x 217,391 so’m = 86956521,7 so’mlik tabiiy gaz realizatsiya qilingan.
Soliq summasi: 86956521,7 x 10% (tabiiy gaz uchun) = 8 695 652,17
Ushbu hisobot davrida to’lanishi lozim soliq summasi 8 mln 695 ming so’mni tashkil etadi.
25-mavzu: Aylanmadan olinadigan soliq

Reja:

1. 
   Soliq to’lovchilar
   
2. 
   Aylanmadan olinadigan soliqni qo’llashning o’ziga xos xususiyatlari
   
3. 
   Soliq solish ob’ekti
   
4. 
   Soliq bazasi
   
5. 
   Soliq stavkalari
   
6. 
   Soliqni hisoblab chiqarish, soliq hisobotlarini taqdim etish va soliqni to’lash tartibi
   

1.Soliq to’lovchilar

Aylanmadan olinadigan soliq quyidagilarga nisbatan tatbiq etilmaydi:

1) tovarlar importni amalga oshiruvchi yuridik shaxslar va yakka tartibdagi tadbirkorlarga (birinchi marta import shartnomasi tuzilgan oyning keyingi oydan boshlab QQS va foyda solig’ini to’laydi);
2) aktsiz solig’i to’lanadigan tovarlarni (xizmatlarni) ishlab chiqaruvchi va foydali qazilmalarni kavlab olishni amalga oshiruvchi yuridik shaxslarga (QQS va foyda solig’ini to’laydi).
3) yuridik shaxslar — qishloq xo’jaligi tovar ishlab chiqaruvchilariga, basharti ularda yigirma besh gektar va undan ortiq sug’oriladigan qishloq xo’jaligi ekin maydoni mavjud bo’lsa (masalan: 15 gektar kartoshka, 10 gektar poliz mahsulotlari ekish uchun ajratilgan yer maydonlari bo’lsa, QQS va foyda solig’ini to’laydi).
4) benzin, dizelg’ yoqilg’isi va gazni realizatsiya qilishni amalga oshiruvchi yuridik shaxslarga(QQS va foyda solig’ini to’laydi).
5) lotoreyalarni tashkil etish bo’yicha faoliyatni amalga oshiruvchi yuridik shaxslarga(QQS va foyda solig’ini to’laydi).
6) oddiy shirkat ishlarini yuritish o’z zimmasiga yuklatilgan ishonchli shaxsga — oddiy shirkat shartnomasi doirasida amalga oshirilayotgan faoliyat bo’yicha(QQS va foyda solig’ini to’laydi).
7) bo’sh turgan binolar, yashash uchun mo’ljallanmagan inshootlar va qurilishi tugallanmagan ob’ektlar, shuningdek foydalanilmayotgan ishlab chiqarish maydonlarining mulkdori bo’lgan yuridik shasxlarga, ulardan samarasiz foydalanilayotganligi bo’yicha qonunda belgilangan tartibda xulosa kiritilganda;
8) markazlashtirilgan moliyalashtirish manbalari hisobidan ob’ektlarni (joriy va kapital ta’mirlash bundan mustasno) qurishni bajaruvchi yuridik shaxslarga.
9) alkogol mahsulotlari, shu jumladan pivoni chakana sotish bo’yicha turg’un savdo shaxobchalariga(QQS va foyda solig’ini to’laydi).
10) bozorlarga va savdo komplekslariga(QQS va foyda solig’ini to’laydi).
11) soliq maslahatchilarining tashkilotlariga(QQS va foyda solig’ini to’laydi).
12) auditorlik tashkilotlariga(QQS va foyda solig’ini to’laydi).
13) notijorat tashkilotlariga, shu jumladan byudjet tashkilotlariga(QQS va foyda solig’ini to’laydi).
Aylanmadan soliq to’lovchilar QQS va foyda solig’i to’lashga:

• 
  majburiy va
  
• 
  ixtiyoriy o’tishi mumkin.
  

Belgilangan tartibda QQS va foyda solig’i to’lashga o’tilmagan holatlarda

soliq organlari ushbu soliqlarni va ularga to’g’ri keladigan penya hisoblashni amalga oshiradi.