Республикаси олий ва ўрта махсус таълим вазирлиги

Иккиламчи бозор

Облигациялар билан савдони ташкил қилиш юзага келган амалиётга, муайян мамлакат анъаналарига ва муайян воситаларга боғлиқ. АҚШда ички облигациялар (ҳам давлат облигациялари, ҳам корпоратив облигациялар) билан савдо деярли фақат ички биржа бозорида, Буюк Британияда эса асосан биржада амалга оширилади.

Корпоратив облигациялар чиқариш шартлари

1. 
   Облигациялар чиқаришга низом капитали тўлиқ тўланганидан кейингина рухсат этилади.
   
2. 
   Барча облигациялар номинал қиймати низом капитали миқдоридан ёки учинчи шахслар томонидан тақдим этилган таъминот ҳажмидан катта бўлмаслиги лозим.
   
3. 
   Таъминотсиз облигациялар чиқаришга иккита йиллик баланс тегишлича расмийлаштирилган ва фойда билан ишлаш шартида жамият камида уч йил фаолият кўрсатган ҳоллардагина рухсат этилади.
   
4. 
   Агар эълон қилинган акциялар сони уларга облигациялар тақдим этадиган ҳуқуқдаги акциялар сонидан кам бўлса, жамият облигациялар жойлаштиришга ҳақли эмас.
   

3. Облигациялар рейтинги

Бошқа ҳар қандай қимматли қоғозлар каби, облигациялар харид қилишда инвестор энг аввало, эмитентнинг ишончлилик даражасини аниқлаб олиши зарур. У рози бўладиган облигация даромадлилиги ва нархи шунга боғлиқ бўлади. Бунинг учун эмитентни фундаментал таҳлил қилиш амалга оширилади. Бироқ бундай таҳлилни ўз кучлари билан амалга ошириш шарт эмас.
Облигацияларни таҳлил қиладиган ва уларга рейтинг берадиган мустақил рейтинг агентликлари баҳолашидан фойдаланиш мумкин. Бундай агентликлар сони жуда кўп бўлиб, лекин тарихан шундай шаклланганки, фақат учта агентлик «об-ҳавони белгилаб беради», булар: «Standard & Poor's», «Moody's» ва «Fitch Investor's Service». Айниқса, халқаро бозорда рейтинглардан фойдаланиш жуда кенг тарқалган бўлиб, бу ерда усиз амалда қимматли қоғозларни жойлаштиришнинг имкони йўқдир.