Respublika ta’lim markazi

Axborotlar bilan ishlash kompetensiyasi:
A2
mavjud axborot manbalaridan (internet, televizor, radio (audio-video yozuv), telefon, kompyuter, elektron pochta orqali xabar jo‘natish) foydalana oladi; media vositalardan zarur bo‘lgan axborotlarni izlab topa oladi, saralash, qayta ishlash, uzatish, saqlashda xavfsizligini ta’minlash va foydalanishda mediamadaniyatga rioya qila oladi.
A2+
kundalik faoliyatda uchraydigan hujjatlar bilan ishlay oladi (tavsifnoma yozish, ariza, shaxsiy ma’lumotnoma.)
O‘zini o‘zini rivojlantirish kompetensiyasi:
A2
shaxs sifatida doimiy ravishda o‘z-o‘zini rivojlantirish; guruhlarda ishlashda ma’suliyatni o‘ziga oladi, lider bo‘la oladi, turli muammoli vaziyatlarda to‘g‘ri qaror qabul qila oladi; konstitutsion huquq va burchlaridan to‘g‘ri foydalana oladi, jismoniy, ma’naviy, ruhiy va intellektual kamolotga intila oladi.
A2+
o‘zining qiziqishlariga qarab qobiliyatlarini namoyon qila oladi, ongli kasb tanlash, halollik, to‘g‘rilik kabi insoniy fazilatlarga ega bo‘ladi.
Ijtimoiy faol fuqarolik kompetensiyasi:
A2
sog‘lom e’tiqod va dunyoqarash tushunchalarini biladi; jamiyatda bo‘layotgan voqea-hodisalarga befarq bo‘lmaslik, o‘z munosabatini bildira oladi, vatan oldidagi mas’uliyatni his qila oladi, kasblarning mohiyatini tushuna oladi va ongli ravishda tanlay oladi, inson va fuqarolarning huquqlari, erkinliklari va burchlarini biladi va unga amal qila oladi.
A2+
mehnat hamda fuqarolik munosabatlarida muomala, iqtisodiy, ekologik, huquqiy madaniyatiga rioya qila oladi.
Milliy va umummadaniy kompetensiya:
A2
xalq hunarmandchiligi yo‘nalishlarida ularning tarixiy, ma’naviy va madaniy merosini o‘rgana oladi, avaylab asray oladi, an’ana va marosimlarini hurmat qila oladi, milliy mafkuraning milliy, umuminsoniy tamoyillarini va vazifalarini biladi.
A2+
umumbashariy ahamiyatga ega bo‘lgan qadriyatlarni (urf odatlar, marosimlar, milliy-madaniy an’analar) biladi va unga hurmat bilan munosabatda bo‘la oladi.