Respublika ta’lim markazi umumiy o‘rta ta’limning davlat ta’lim standarti va o‘quv dasturi boshlangich ta`lim ona tili

43-mavzu. Non aziz. Obid Rasul (1 soat).
Nonning ushog‘i ham nonligi. Non va nonni e’zozlash. Mehnatni qadrlash. Non va nonni e’zozlashga doir maqol va tez aytishlar. She’rni ongli, ifodali, to‘g‘ri o‘qish.
44-mavzu. Sinfdan tashqari o‘qish (1 soat).
45-46-mavzu. Uch o‘g‘il. Ertak (2 soat).
O‘zbek xalq ijodida uch o‘g‘il haqidagi ertaklar. Mehnatsevarlikka doir ertaklar. Otaning o‘g‘illari uchun sinovi. Topshiriqning bajarilishi. Kenja o‘g‘ilning tadbirkorligi. Mehnat va mehnat orqali keladigan daromad. Tadbirkorlik, rostgo‘ylik, mehnatsevarlik va ota-onani hurmat qilish sifatlari. Mehnatsevarlikka doir maqol, topishmoq va tez aytishlar. Ongli, ifodali, to‘g‘ri, tez o‘qish.
A1+
Mavzu. Qobusnoma. (Hikoyat) (1 soat).
Bir hunarni to‘liq o‘rganmasdan, bilaman deb o‘zboshimchalik qilishning oqibatlari. Yaxshilik qilish. Minnatsiz qilingan yaxshilikning mukofoti. Ongli, tez va ifodali o‘qish. Matn mazmuniga mos topishmoq, hikmatli so‘z, va tez aytishlar.
Mavzu. Usta. Ertak (1 soat).
Tabiat ne’matlarini qadriga yetish, ularni asrab-avaylash zarurligi. Ustaning mahorati ham ana shunda ekanligi. Mehnatni sevish, hunar egallash va o‘z hunarining mohir ustasi bo‘lish.
47-mavzu. Bo‘lim yuzasidan takrorlash (1 soat).
“Mehnat – baxt keltirar” bo‘limi yuzasidan o‘quvchilar bilimini tekshirish, takrorlash va umumlashtirish. Boshqotirma va topshiriqlarni hal etish orqali o‘quvchilar bilimini mustahkamlash.
Nazorat ishi (1 soat).


V bo‘lim. KUMUSH QISH – MISOLI OQQUSH
(14 soat, A1+: 8 soat )


48-mavzu. Qish. Ilyos Muslim (1 soat).
Qish faslida tabiatdagi o‘zgarishlar. Bolalarning qishki o‘yinlari. Qishki dam olishlar. Qish fasli haqidagi maqol, topishmoq va tez aytishlar. She’rni ongli va ifodali o‘qish.
49-mavzu. Qishning o‘rtog‘i. Zahro Hasanova (1 soat).
Qishki o‘yinlar. Sport – sog‘lik garovi. Hikoya qahramoni otasi bilan badantarbiya qilishi. Badantarbiyaning inson salomatligidagi o‘rni. Qish – eng yaqin o‘rtog‘im. Qish fasli haqidagi tez aytishlar. Ongli, tez va ifodali o‘qish.