Respublika ta’lim markazi umumiy o‘rta ta’limning davlat ta’lim standarti va o‘quv dasturi

Nazorat ishi: Insho va uning tahlili. (2 soat, A2+: 3 soat)
Takrorlash: (1 soat)
Nazorat ishi: Test topshiriqlari asosida. (1 soat)
Sinfdan tashqari o‘qilgan asarlar muhokamasi: (1 soat, A2+: 2 soat)


O‘quvchilar sinfda va mustaqil o‘qishlari, yod olishlari lozim bo‘lgan asarlar:
Xalq qo‘shiqlari;
Alisher Navoiy. Hikmatli so‘zlar.
Gulxaniy. “Zarbulmasal” asari.
Avaz O‘tar. She’rlar.
Abay. Nasihatlar.

4. 
   Rangin tuyg‘ular
   

(11 soat, A2+:11 soat)


38-39-mavzu. Zulfiya. “Baxtim bor, ajoyib kishilar aro..”, “Bog‘lar qiyg‘os gulda”, “Bahor keldi, seni so‘roqlab”, “O‘g‘lim, sira bo‘lmaydi urush” she’rlari. (2 soat, A2+:3 soat)
Shoira hayoti va ijodi haqida qisqacha ma’lumot.
Zulfiya she’rlarida yashagan umridan va qilgan mehnatidan iftixor tuyg‘usiga to‘lgan kishi ruhiy olamining ifodalanishi. Shoira she’rlarida hayotga, yashashga bo‘lgan zavqning turli shakllarda mujassamlanishi. Shoira she’rlarining badiiy jozibasi.
“O‘g‘lim, sira bo‘lmaydi urush” she’rida urush keltirgan baxtsizliklar, uning mudhish oqibatlari, yurt tinchligi, xalq farovonligi buyuk ne’mat ekanligi, uni qadriga yetish haqidagi lirik qahramon kechinmalarining kuylanishi.
40-43-mavzu. Pirimqul Qodirov. “Yulduzli tunlar” asari. (4 soat A2+:6 soat)
Adib hayoti va ijodi haqida qisqacha ma’lumot.
“Yulduzli tunlar” asaridan olingan parchada chin insoniy fazilatlarning favqulodda holatlarda namoyon bo‘lishi va bu holning mahorat bilan ifodalanishi.
Asarda murakkab davr shiddati va talotumlarining aks etishi. Ezgu insoniy xislatlarning milliy, irqiy va diniy tafovutlardan qat’i nazar har kimning o‘ziga bog‘liqligi masalasi va bu masalaning asarda ifodalanishi. Asarning badiiy xususiyatlari.
44-46-mavzu. Tog‘ay Murod. “Yulduzlar mangu yonadi” qissasi. (3 soat A2+:5 soat)
Yozuvchi hayoti va ijodi haqida qisqacha ma’lumot.
“Yulduzlar mangu yonadi” qissasida o‘zbek xalqiga xos urf-odat, ruhiyat va ma’naviy qadriyatlarning o‘ta ta’sirchan, o‘ziga xos yo‘sinda aks ettirilganligi. Qissa qahramoni Bo‘ri polvonga xos mardlik, tantilik, halollik xislatlarining turli vaziyatlarda namoyon bo‘lishi.
Asarda o‘zbek qishloqlari hayotiga doir holatlarning g‘oyat jonli aks etganligi. Ajdodlarga mansub ezgu odatlarning Shukur, Tilovberdi, Temir singari obrazlar tasvirida talqin etilganligi. Qissaning ta’sirchanligi va o‘ziga xosligini ta’minlagan omillar. Asarning til xususiyatlari.