Respublika ta’lim markazi umumiy o‘rta ta’limning davlat ta’lim standarti va o‘quv dasturi

Muomala odobi: Minnatdorchilikka javob berish.
Adabiy o‘qish: mavzuga oid suhbatlar, kichik hikoyalar, she’rlar.

Nazorat ishi: Diktant. (1 soat)
Xatolar ustida ishlash. (1 soat)


45-47-mavzu. Kim bo‘lsam ekan? (3 soat, A2+: 5 soat)
Leksika: kasblar, kasb egasi, kasb ustasi, kasb tanlash, hunar o‘rganmoq, sohaga o‘qimoq, bilim olish, kasbni egallash, shug‘ullanadi, qiziqtiradi kabi tayanch so‘zlar va birikmalar.
Grammatika: Sifat darajalari. Orttirma va qiyosiy darajalarni ifodalovchi vositalar (2soat). Belgini o‘zaro qiyoslashda -roq, -ga qaraganda, -ga nisbatan, -dan kabi vositalarining qo‘llanishi (1 soat).
Muomala odobi: Kechirim so‘rashga oid so‘z va jumlalar.
Adabiy o‘qish: mavzuga oid adabiy matnlar, rivoyat va hikoyatlar, maqollar va she’rlar.


48-50-mavzu. Dam olish kuni. (3 soat, A2+: 4 soat)
Leksika: dam olish kuni, oilamiz bilan, nonushta qilamiz, pishirib keladilar, uylarni yig‘ishtiraman, hovli-ko‘chalarni supuradi, birga o‘ynaymiz, kitob o‘qiymiz kabi tayanch so‘z va birikmalar.
Grammatika: Sifatning ozaytirma darajasi (1soat), ularning imlosi va talaffuzi (2 soat).
Muomala odobi: Kechirim so‘rashga javob qaytarish.
Adabiy o‘qish: mavzuga oid suhbatlar, adabiy matnlar (qissalar va hikoyalar), she’rlar, maqollar.


O‘quvchilarda shakllangan fanga oid kompetensiyalar
Nutqiy va lingvistik (tinglab tushunish, so‘zlash, o‘qish va yozish) kompetensiyalar:
A2
audiovizual vositalar orqali o‘rtacha tezlikda berilgan xabarlar, kundalik muloqot yuritishga oid matnlarni tinglab tushuna oladi;
o‘rganilgan mavzular bo‘yicha matnlar mazmunini savol-javob shaklida, qisqa yoki to‘liq so‘zlab bera oladi;
o‘zaro suhbatda kundalik muloqotda ishlatiladigan (murojaat etish va murojaatga javob berish, hol-ahvol so‘rash va hol-ahvol so‘rashga javob berish, rozilik yoki rad javobini berish, ruxsat so‘rash va ruxsat berish, tabriklash va tabrikka javob berish, minnatdorchilik bildirish, kechirim so‘rash oid) muomala odobi elementlarini qo‘llay oladi;
jo‘nalish va chiqish kelishigi qo‘shimchalarini, kishilik, o‘zlik olmoshi, maza-ta’m, rang-tus, hajm-o‘lchov hamda xarakter-xususiyatni bildiruvchi sifatlar, sifatning ozaytirma va orttirma darajalarini og‘zaki va yozma nutqda qo‘llay oladi;
o‘rganilgan mavzular bo‘yicha 31-40 ta so‘zdan iborat diktant yoza oladi;
matnni topshiriqlar asosida to‘ldirib yoki davom ettirib yoza oladi;
berilgan tayanch so‘zlar, mavzu yoki rasm asosida 6-8 ta gapdan iborat bog‘lanishli matn yoza oladi.
A2+
ushbu mavzular bo‘yicha suhbatga qo‘shila oladi va munosabat bildira oladi;
berilgan rasm, o‘quv filmi haqida suhbatlasha oladi;
o‘zaro suhbatda kundalik muloqotda ishlatiladigan muomala odobi elementlarini qo‘llay oladi;
mavzuga oid savollarga javob yoza oladi, javoblarga mos savollar tuza oladi.