Respublika ta’lim markazi umumiy o‘rta ta’limning davlat ta’lim standarti va o‘quv dasturi

25-27-mavzu. J, G‘, Z harflari. (3 soat, A1+5 soat)
O‘quvchilarda shakllantiriladigan fanga oid kompetensiyalar
Talaffuz qilish: Jj, G‘g‘, Zz harflari qatnashgan so‘zlarni to‘g‘ri talaffuz qila olish.
O‘qish: J, G‘, Z harflari ifodalagan tovushlarni farqlay olish. Bu harflar orqali ifodalanuvchi so‘zlarni to‘g‘ri o‘qiy olish.
Yozish: J j, G‘g‘, Z z bosh va kichik, bosma va yozma harflarini to‘g‘ri yoza olish. Ular ishtirokida so‘zlar va so‘z birikmalari tuzib, yoza olish.
28-30-mavzu. F, V harflari va tutuq (’) belgisi. (3 soat, A1+: 5 soat)
O‘quvchilarda shakllantiriladigan fanga oid kompetensiyalar
Talaffuz qilish: Ff, Vv harflari va tutuq belgisi (’) qatnashgan so‘zlarni to‘g‘ri talaffuz qila olish.
O‘qish: F,V harflari ifodalagan tovushlarni va tutuq belgisi (’)ni farqlay olish. Bu harflar va tutuq belgisi ishtirokidagi so‘zlarni to‘g‘ri o‘qiy olish.
Yozish: Ff, Vv bosh va kichik, bosma va yozma harflarini to‘g‘ri yoza olish. O‘rganilgan harflardan so‘zlar va so‘z birikmalari tuzib, yoza olish.
Tutuq (’) belgisini to‘g‘ri yoza olish. Harflarning yozma shaklini husnixat talablari asosida yoza olish.


Nazorat ishi: diktant. (1 soat)
Xatolar ustida ishlash. (1 soat)


O‘quvchilarda shakllangan fanga oid kompetensiyalar (talaffuz qilish, o‘qish va yozish)
A1
o‘zbek alifbosidagi harflarni to‘g‘ri talaffuz qila oladi;
o‘zbek tiliga xos bo‘lgan tovushlarini o‘qiy oladi;
mavzular bo‘yicha berilgan so‘zlarni bo‘g‘inlab o‘qiy oladi va yoza oladi; o‘zlashtirilgan nutq mavzularida 1-2 savol-javob tarzida suhbatlasha oladi;
mavzu bo‘yicha berilgan kichik she’rlarni o‘qib, yoddan ayta oladi;
o‘zbek alifbosidagi bosh va kichik harflarning bosma va yozma shaklini farqlab yoza oladi;
harflarning yozma shaklini husnixat talablari asosida yoza oladi;
mavzular bo‘yicha o‘zlashtirilgan so‘zlarni, 2-4 ta yig‘iq gaplardan iborat matnni to‘g‘ri ko‘chirib yoza oladi;
o‘zlashtirilgan so‘zlarni bo‘g‘inlarga to‘g‘ri ajratib yoza oladi;
6-8 ta so‘zdan iborat lug‘at diktantini yoza oladi.
A1+
o‘zbek alifbosidagi harflarni, o‘zbek tiliga xos tovushlarni to‘g‘ri talaffuz qilib, o‘qiy oladi;
o‘zbek alifbosidagi bosh va kichik harflarning yozma shaklini husnixat talablari asosida yoza oladi;
4-6 ta yig‘iq gaplardan iborat matnni to‘g‘ri ko‘chirib yoza oladi.