|
3.7-мәселе
Аудиторлық шөлкемине өзи тексерип атырған хожалық субъекти автомашина сатып алыўды усынды.
Талап етиледи:
Бул жағдайда аудитордың ғәрезсизлик принципи бузылады ма?
3.8-мәселе
Аудиторлық шөлкеми 3 жыл даўамында хожалық субъекти искерлигин баслама тийкарында аудиторлық тексериўинен өткерип келмекте. Усы дәўир даўамында өз клиентиниң бухгалтерия есабы ҳәм ишки тексериў системасының өзине тән өзгешеликлерин, бухгалтерия есабындағы бар машқалаларды терең үйренди. Хожалық субъекти бухгалтерия есабын компьютерлестириў мақсетинде мәсләҳәт хызметин көрсетиўди сорап усы аудиторлық шөлкемине хабарласты.
Талап етиледи:
1. Нызамшылық нормаларында аудиторлық шөлкемине бул хызметти көрсетиўге базы бир тосқынлық бар ма?
2. Бул хызметти көрсеткеннен соң аудиторлық шөлкеми нәўбеттеги аудиторлық тексериўин өткериўде өз ғәрезсизлигин жоғалтпай ма?
3.9-мәселе
Хожалық субъектиниң басшысы бухгалтерия есабы ҳәм есабатын арнаўлы сораў бойынша тексериў ҳаққында аудиторлық шөлкеми менен шәртнама дүзбекте. Хожалық субъектиниң басшысы ҳәм бас бухгалтери арасында келиспеўшилик болғаны себепли, кәрхана басшысы бас бухгалтерди жумыстан босатыўға тийкар таўып бериўди сорады. Егер де оның илтимасы әмелге асса аудиторлық шөлкеми қосымша хошаметлеўге ийе болыўын билдирди.
Талап етиледи:
Бул жағдайда аудиторлық шөлкеми қандай жол тутыўы керек?
3.10-мәселе
Аудиторлық тексериўин өткериўге келген аудиторларды жатақ жай ҳәм аўқатланыў қәрежетлерин хожалық субъекти өз мойнына алған болып, бул қәрежетлер шәртнамада нәзерде тутылмаған.
Талап етиледи:
Аудиторлық шөлкеми бул жағдайда өз ғәрезсизлигин жоғалтпай ма?
3.11-мәселе
Өткен жыл даўамында аудиторлық шөлкеми аудиторлық хызметлери менен бир қатарда салық ҳәм бухгалтерия есабын тиклеў бойынша хызметлер көрсеткен. Жуўмақланған жылдың финанслық нәтийжелерине муўапық аудиторлық шөлкеми алған түсимниң 15% ғана аудиторлық хызметлерин көрсетиў арқалы алынғаны белгили болды.
Талап етиледи:
Аудиторлық шөлкеми лицензия талапларын бузған ҳалда искерлик көрсетпей атыр ма?
3.12-мәселе
Аудитор ғалаба хабар қураллары арқалы өзиниң жеке рекламасын әмелге асырмақта. Реклама мақсетинде аудитор өзиниң пазыйлетлерин басқа аудиторлардың тәжирийбеси менен салыстырмақта.
Талап етиледи:
Аудитор өз ҳәрекетлери менен қәнигелик этикасы талаплары шегарасынан шығып кетпеди ме?
3.13-мәселе
Жоқары тәжирийбели қәниге болған аудитор хызметтен бос ўақытларда аудит ҳәм бухгалтерия есабы бойынша илимий-әмелий мақалалар жазып турады. Мақалаларға тийкар сыпатында өз әмелиятында дус келип атырған ўақыяларға таянады, өз клиентлерине тийисли болған базы бир фактлерди ийесиниң атын көрсетпестен жәриялайды.
Талап етиледи:
Аудитордың кәсиплик искерлиги менен илимий искерлиги арасында келиспеўшилик болыўы мүмкин бе?
3.14-мәселе
Аудиторлық шөлкеми бир неше жылдан бери хожалық субъектлеринде аудиторлық тексериўлерин өткериў бойынша аудиторлық топарының басшысын өзгертпестен, топар ағзаларын өзгертип турыпты.
Талап етиледи:
Аудиторлық тексериўлерин өткериў ўақтында аудиторлық шөлкеми базы бир машқалаға дус келиўи мүмкин бе?
3.15-мәселе
Аудиторлық шөлкеми өндирислик кәрханада тексериў алып бармақта. Тексериўде қатнасып атырған аудиторлар хожалық субъекти ҳәр күни түслик ҳәм кешки аўқатқа мират етип қыстамақта.
Талап етиледи:
1. Бул жағдайды кәсиплик этикасы талаплары көз қарасынан талқылаң?
2. Егерде аудиторлар өним сыпатын тексериў мақсетинде өнимнен нусқа алған ҳәм сапасын тексерген болса, кәсип этикасы талаплары бузылмайды ма?
2-Case
For each of the following scenarios, indicate whether or not independence-related requirements in the Code of Ethics are being violated. Briefly explain why or why not.
Adrian Reynolds now works as a junior member of the accounting team at Swiss Precision Tooling, a listed manufacturing company. Three months ago, he worked as a staff auditor for Growther and Sutherland, a local audit firm, where he worked on the Swiss Precision Tooling audit team. Growther and Sutherland is still the auditor for the Swiss Precision Tooling
Discussion
Do'stlaringiz bilan baham: |
