Required: Analyse this situation and its possible outcomes using

3.7 - Масала
Аудиторлик ташкилотига ўзи текшираётган хўжалик субъекти автомашина сотиб олишни таклиф этди.
Талаб қилинади:
Бу ҳолда аудиторнинг мустақиллик принципи бузиладими?
3.8 - Масала
Аудиторлик ташкилоти 3 йил мобайнида хўжалик субъекти фаолиятини ташаббус асосида аудиторлик текширувидан ўтказиб келмоқда. Шу давр мобайнида ўз мижозининг бухгалтерия ҳисоби ва ички назорат тизимининг ўзига хос хусусиятларини, бухгалтерия ҳисобидаги мавжуд муаммоларни чуқур ўрганди. Хўжалик субъекти бухгалтерия ҳисобини компьютерлаштириш мақсадларида маслаҳат хизматини кўрсатишни сўраб ушбу аудиторлик ташкилотига мурожаат этди.
Талаб қилинади:
1. Қонунчилик нормаларида аудиторлик ташкилотига ушбу хизматни кўрсатишга бирон бир тўсқинлик борми?
2. Ушбу хизматни кўрсатгандан сўнг аудиторлик ташкилоти навбатдаги аудиторлик текширувини ўтказишда ўз мустақиллигини йўқотмайдими?
3.9 - Масала
Хўжалик субъектининг раҳбари бухгалтерия ҳисоби ва ҳисоботини махсус савол бўйича текшириш ҳақида аудиторлик ташкилоти билан шартнома тузмоқда. Хўжалик субъекти раҳбари ва бош бухгалтери орасида келишмовчилик бўлгани сабабли, корхона раҳбари бош бухгалтерни ишдан бўшатишга асос топиб беришни сўради. Агарда уни илтимоси амалга ошса аудиторлик ташкилоти қўшимча мукофотга эга бўлишини маълум қилди


Талаб қилинади:
Ушбу ҳолатда аудиторлик ташкилоти қандай йўл тутиши лозим.
3.10 - Масала
Аудиторлик текширувини ўтказишга келган аудиторларни ётоқ ва овқатланиш харажатларини хўжалик субъекти ўз зиммасига олган бўлиб, бу харажатлар шартномада назарда тутилмаган.
Талаб қилинади:
Аудиторлик ташкилоти ушбу ҳолатда ўз мустақиллигини йўқотмайдими?
3.11 - Масала
Ўтган йил мобайнида аудиторлик ташкилоти аудиторлик хизматлари билан бир қаторда солиқ маслаҳатчилиги ва бухгалтерия ҳисобини тиклаш бўйича хизматлар кўрсатган. Якунланган йилнинг молиявий натижаларига кўра аудиторлик ташкилоти олган тушумнинг 15% гина аудиторлик хизматларини кўрсатиш орқали олингани маълум бўлди.
Талаб қилинади:
Аудиторлик ташкилоти лицензия талабларини бузган ҳолда фаолият кўрсатмаяптими?