Репликациянинг молекуляр асослари

РЕПЛИКАЦИЯНИНГ МОЛЕКУЛЯР АСОСЛАРИ

Молекуляр биология, молекуляр генетика, ген муҳандислиги ва биотехнология фанларининг шаклланишида ва ҳозирги кунда жамият ҳаётида етакчи ўрин эгаллаб туришида нуклеин кислоталар ва уларнинг метаболизми асосий ўрин эгаллаб келмоқда.

Озуқа маҳсулотлари таркибида нуклеопротеинлар маълум миқдорда бўлиб, овқат ҳазм қилиш жараёнида ошқозон ва ичак суюқликлари таркибидаги HCl ва протеолитик ферментлар таъсирида оқсил ва нуклеин кислоталарга парчаланади. Нуклеин кислоталарни нуклеазалар деб аталадиган ферментлар таъсирида мононуклеотидларга ажралади. Нуклеазалар гидролизлайдиган нуклеин кислоталар турига қараб дезоксирибонуклеаза (ДНК-аза) ва рибонуклеазалар (РНК-аза) га бўлинади.
Ошқозон ости бези суюқлиги таркибида ДНК-аза ва РНК-аза ферментлари бўлиб, улар таъсир чегарасига қараб қуйидаги гуруҳларга бўлинади:
занжирдаги ички нуклеотидаро боғларга-эндонуклеазалар, оҳирги нуклеотид қолдиқларига-экзонуклеазалар таъсир қилади;
бир занжирли ёки икки занжирли нуклеин кслоталарни парчаловчилар ;
мураккаб эфир боғлари 3' ёки 5' бўлган ҳолда таъсир этувчилар;
нуклеин кислоталарни  ёки  боғларига таъсир этувчилар;
5' - Ф – Н – Ф – Н – Ф – Н – Ф – 3'

-гуруҳ -гуруҳ

Н – нуклеозид; Ф – фосфат.


пурин ёки пиримидин азот асослари бўйича таъсир этувчи ферментлар;
рестриктаза асосида таъсир этувчи энзимлар.

ДНК ва РНКларнинг деградацияси гидролитик ва фосфорилитик нуклеазалар иштирокида содир бўлади. Фосфорилитик парчаланишда жумладан, РНК молекуласидан нуклеотид қолдиғи ноорганик фосфат кислотасига узатилади.

РНК_n + Н₃РО₄ РНК_n-1 + НДФ (нуклеозиддифосфат)
Ушбу реакция ҳужайрадаги ноорганик фосфат кислота концентрациясини бир меъёрда сақланишида ҳизмат қилади.
РНК –аза ва ДНК-аъзаларнинг ҳужайрадаги вазифалари бир хил бўлмайди. Масалан, панкреатик рибонуклеаза (РНК – аза I ) эгзо-ва эндонуклеаза хусусиятига эга бўлиб, турли хил РНК ларни парчалайди. Булар билан бир қаторда юқори специфик тўқимали РНК-азалар бўлиб, улар РНК-даги муайян боғларини узишда хизмат қилади. Бу реакция рибосом ва транспорт РНК ларни шаклланишида иштирок этади.
Ошқозон ости безининг таркибидаги ДНК - аза бир занжирли молекуласини 5' томонидаги фосфорил гуруҳидан бошлаб олигодезоксирибонуклеотидларгача парчалайди. Талоқ таркибида аниқланган ДНК-аза II, ДНК нинг иккита занжиридаги 3'- 5'- фосфодиэфир боғларини катализлаб, 3'-фосфоолигонуклеотидларни ҳосил қилади.
Рестриктаза ферментлари ДНК-азага ўхшаб, ДНК молекуласини деполимерлаш жараёнини муайян нуқталардан бошлайди. Рестриктазалар юқори спецификликка эга бўлиб, маълум азот асослари бўйича ДНК молекуласини гидролизлайди. Бу ферментлар фаг ва вирусларга тегишли ДНК молекуласини нуклеотид қаторини аниқлашда, генетик муҳандислигида кенг қўлланиладиган рекомбинатив ДНК (гибрид) тайёрлашда ишлатилади.
Шундай қилиб, ошқозон-ичак йўлидаги бир қатор ферментлар овқатдаги нуклеин кислоталарни нуклеотид ва нуклеозид даражасигача парчалайди. Ҳосил бўлган маҳсулотлар қонга сўрилиб, ҳужайраларга етказилади. Нуклеотидлар нуклеин кислоталар синтезида иштирок этиши билан бирга организмдаги бошқа метаболитик жараёнларда ҳам қатнашадилар. Нуклеотидлар нуклеозидлар, пурин ва пиримидин асослари, рибоза ва дезоксирибозаларга парчаланади, янгидан синтезланиб, бир-бирига ўтади. Бу ўзгаришлар турли ферментлар таъсирида, бир қатор оралиқ босқичлари орқали содир бўлади.