Rele-kontaktorli boshqarish apparatlari

Magnitli ishga tushirgich. Elektr motorini boshqarish uchun mo'ljallangan blok-kontaktli o'zgarmas yoki o'zgaruvchan tok kontaktorlar gruppasi hamda tugmalar stansiyasidan iborat apparat magnitli ishga tushirgich deb ataladi. Ular reversiv va reversivmas bo'hshlari mumkin. Reversivmas magnitli ishga tushirgich orqali faqat bir tomonga aylanadigan motor boshqarilsa, reversiv ishga tushirgich orqah esa ikki tomonga aylanadigan motor boshqariladi. Magnitli ishga tushirgichlardagi kontaktorlar motoming o'tayuklanishi va, demak, motorni haddan tashqari qizib ketishidan himoyalaydigan issiqlik relelar bilan ta’minlanishi mumkin.
Umumiy korpus ichiga o'matilgan bir yoki bir necha tugma elementlari tugma stansiyasi deb ataladi (6.10- rasm). Ularni buyruq beruvchi apparat ham deyiladi, chunki bu apparatlar yordamida operator elektr motorni boshqarish uchun turli buyruqlar (komandalar) berishi mumkin. Tugmalar tutashtiruvchi (a), ajratuvchi
(b) yoki har ikkala kontaktli qihb tayyorlanishi mumkin. 6.11- rasmda tugma kontaktlarining sxemasi ko'rsatilgan.
Boshqarish relelari. Elektr motorni avtomatik ishlatish sxemalarida kontaktorlar bilan birga uni tok, kuchlanish, vaqt va shu kabi parametrlar bo'yicha boshqaruvchi relelar ham qo'llaniladi. Bunday relelar impuls berilganidan so'ng bir onda yoki ma’lum vaqt o'tishi bilan ishga tushadi.