2. Korxonani boshqarishning zamonaviy tamoyillari, shakllari va uslublari.
Korxonani boshqarish – bu xo`jalik rahbar organlari, korxona ma`muriyati hamda jamoat tashkilotlarining iqtisodiy va ijtimoiy natijalarga erishishini ko`zda tutgan holda kishilar jamoasiga, ular orqali ishlab chiqarishning moddiy-buyum unsurlariga, ularning o`zaro amal qilishini uyushtirish uchun aniq maqsad yo`nalishida tartibli ta`sir ko`rsatishdir.
Korxonani boshqarishning zamonaviy uslublari quyidagi tamoyillarda namoyon bo`ladi;
maqsadlar birligi va hamfikrliligi;
doimiylik va ishonchlilik;
rejaviylik, proporsionalililik va o`sib borishlik;
demokratik;
boshqaruv uslublarining asoslanganligi va ilmiyligi;
boshqaruv samaradorligi;
shaxsiy, jamoaviy va davlat-jamiyat manfaatlarining bir butunligi.
Korxonani boshqarishning zamonaviy uslublari umumiy boshqaruv uslublaridan kelib chiqqan holda amal qiladi. Umuman olganda boshqaruv usullarini uchta guruhga bo`lish mumkin:
tashkiliy-ma`muriy uslublar;
iqtisodiy uslublar;
ijtimoiy-ruhiy uslublar
Korxonalarni boshqarish jarayonida rahbarlar bu uslublar bilan bir qatorda ma`lum vaziyatdan kelib chiqqan holda o`ziga hos yangi usul va uslublardan ham foydalanishlari mumkin. Shu bilan bir qatorda korxona va tashkilotlarning asosiy faoliyatlari ishlab chiqarish bo`lganligi sababli iqtisodiy usullardan keng foydalaniladi. Boshqarishning iqtisodiy usullariga quyidagilar kiradi:
kredit va foiz stavkalari;
soliq va soliq yuki;
boj to`lovlari;
subsidiya va sanksiya;
litsenziya;
transfert to`lovlari;
baho va boshqa shu kabilar.
Rivojlangan mamlaklakatlardagi yirik firmalar boshqarub tizimida bir-birlaridan farqlanuvchi bir qator uslublardan foydalanishadi. Masalan “Fiat” konsernida hattoki yirik mustaqil, o`z balansiga ega bo`lgan korxonalarida ham markaziy ofis tomonidan quyidagi jarayonlar nazorat qilib boriladi:
mahsulot tannarxi;
sotish bahosi;
mahsulotga xizmat ko`rsatish va garantiyalar bo`yicha xarajatlar;
umumiy boshqaruv xarajatlari (savdo va reklama xarajatlari bilan birgalikda);
material zahiralari va tugallanmagan ishlab chiqarish;
daromadlar;
tayyor mahsulot zahiralari (ehtiyot qismlar bilan birgalikda );
moliyaviy to`lovlar va qarzlar;
daromad qoldiqlari;
bozor ulushi (raqobatchilarning shu kabi ko`rsatkichlari bilan taqqoslagan holda);
mahsulot sotishni nisbiy o`sishi.
Markaziy ofisda bu kabi ko`rsatkichlarni to`plash va tahlil qilib borish bo`yicha maxsus funksional xizmat tashkil qilingan bo`lib, bu xizmat axborotlarni direktorlar kengashiga etkazib turadi.
Do'stlaringiz bilan baham: |