Reje: Minnetleme tu`sinigi; Minnetlemelerdin` tu`rleri; Minnetlemelerdi ori`nlawdi` ta`miyinlew Minnetleme tu`sinigi

Minnetlemelerdi ori`nlaw
Minnetlemelerdi ori`nlaw dep, qari`zdar ta`repinen kreditor talabi`na muwapi`q belgili bir ha`rekettin` isleniwi ya`ki ha`reketten saqlani`wi` tu`siniledi. Qari`zdardi`n` minnetlemeni ori`nlawi`kreditorg`a zatti` tapsi`ri`w, belgili bir jumi`sti` ori`nlaw, ja`birleniwshige jetkerilgen zi`yandi` qaplaw si`yaqli`lardan ibarat. Puqarali`q Kodeksinin` 236-statyasi`na muwapi`q, minnetlemeler minnetleme sha`rtlerine ha`m ni`zam talaplari`na muwapi`q, bunday sha`rtler ha`m talaplar bolmag`an jag`dayda bolsa, jumi`s qatnasi`g`i` a`detlerine ya`ki, a`dette qoyi`latug`i`n basqa talaplarg`a muwapi`q lazi`m da`rejede ori`nlani`wi` kerek.
Minnetlemeni o`z ati`nan ori`nlawshi` ha`m ori`nlawdi` qabi`l etip ali`wshi`lar minnetleme ori`nlani`wi`ni`n` subiekti esaplanadi`. Minnetleme subiektleri ba`rshe jag`daylarda qari`zdar ha`m kreditor boladi`. Ori`nlaw subiektleri bolsa, ayi`ri`m jag`daylarda qari`zdar ushi`n minnetlemeni ori`nlawshi` basqa shaxs boli`wi` mu`mkin. Materialli`q na`rseler (zatlar, pullar), sonday-aq, ko`rkem-o`ner miyneti na`tiyjeleri, uli`wma aytqanda, nenin` isleniwi ya`ki tapsi`ri`li`wi` haqqi`nda minnetleme belgilense, sol ori`nlaw predmeti esaplanadi`. Biraq, ol puqarali`q qatnasi`nan shi`g`ari`lmag`an zatlar boli`wi` kerek.
Minnetlemeni ori`nlaw mu`ddeti ni`zam menen yamasa ta`replerdin` o`z-ara kelisimi menen ya`ki sud qarari` menen belgileniwi mu`mkin. Minnetlemeni ori`nlaw mu`ddeti kalendar sa`ne menen ya`ki belgili waqi`tta, mi`sali`, u`sh ay ishinde ori`nlani`wi`n ko`rsetiw menen ya`ki qanday da bir ha`diysenin` ju`zege keliwi, atap aytqanda, paxta ji`ynaw waqti` menen ko`rsetiliwi mu`mkin.
Mu`ddetler to`mendegishe bo`linedi:
Uli`wmali`q ha`m juz`iy
Tiykаrg`i` ha`m arnawli`
Baslang`i`sh ha`m aqi`rg`i`
1) Uli`wmali`q mu`ddet – ba`rshe minnetlemenin` pu`tkilley ori`nlani`wi` mu`ddeti bolsa, juz`iy mu`ddet – minnetlemenin` ni`zam ya`ki sha`rtnamada na`zerde tuti`lg`an bo`limlerge bo`linip, bir bo`limi ori`nlani`wi`.
2) Arnawli` mu`ddetler qanday da bir qosi`msha, arnawli` ha`reketlerdi ori`nlaw, atap aytqanda, ni`zam ya`ki sha`rtnamada na`zerde tuti`lg`an hallarda za`ru`r hu`jjetlerdi tapsi`ri`w mu`ddetleri esaplanadi`.