Reje: Kirisiw

Tema:Xaliq sani quramliq bo'liniwi ha'm jaylasiwi.
Reje:
1.Kirisiw
2. Tiykarǵı bo'lim
2.1 Xaliq sani ha'm ta'rtibi statistikası
2.2 Xaliq ha'reketi statistikası
2.3 Xaliqtin' keleshektegi sani statistikası
3. Juwmaqlawshi bo'lim
4.Paydalanilg'an a'debiyatlar
Kirisiw
Tariyxda xalıqtıń jasaw nizamlıqları barlıq mámleket húkimetleriniń turaqlı itibarında bolǵan. Keyingi waqıtlarda jámiyettiń ekonomikalıq turmısında hám uzaq múddetli sociallıq-ekonomikalıq joybarlawda demografik faktor roliniń jáne de artiwi bul máselege bolǵan qızıǵıwshılıqtı keskin kúsheytirdi. Demografik faktor, áhmiyeti tárepinen, social rawajlanıwdıń social hám ekonomikalıq faktorlar qatarında turıwshı tiykarǵı faktorlarınan esaplanadı. Olardı tereń hám hár tárepleme úyrenmesten burin G'árezsiz Ózbekstan jáne onıń ayırım aymaqların sociallıq-ekonomikalıq rawajlandırıwdı anıq túrde joybarlastirip bolmaydı. Buǵan baylanıslı maqsetke erisiw ushın tábiyattı, xalıq statistikası menen shuǵıllanatuǵın qánigeler kerek. Social rawajlanıw, ekonomikanıń barlıq tarmaqları : sanaat, awıl xojalıǵı, xızmet kórsetiwshi tarawlardıń rawajlanıwı - xalıqtıń ósip baratırǵan materiallıq hám ruwxıy mútajliklerin qandırıwdı, insan faktorı rolin kúsheytiwdi, adamlardıń turmıs dárejesin kóteriw máselelerin sheshiwdi talap etedi. Sol sebepten de xalıq statistikasınıń teoriyalıq hám ámeliy táreplerin úyreniw zárúrli áhmiyetke iye boladı.
2.1 Xaliq sani ha'm ta'rtibi statistikası
Xalıq bul málim aymaqta jasawshı hám úzliksiz tábiyiy kóbeyiw arqalı jańalanıp baratuǵın adamlar kompleksi. Xalıq statistikasınıń birinshi hám zárúrli wazıypalarınan biri bul xalıq sanın anıqlaw jáne onıń aymaqlar, jasaw jayları boyınsha jaylasıwın úyreniw bolıp tabıladı. Xalıq sanın anıqlawda xalıq dizimi baslanǵısh derek esaplanadı. Burınǵı birlespe dáwirinde Ózbekstanda 1926, 1939, 1959, 1970 hám 1989 jılda xalıq dizimi ótkerilgen. Xalıq diziminiń nátiyjeleri málim bir sánege hám anıq bir momentke xalıq sanı tuwrısında maǵlıwmat beredi. Xalıq dizimi ótkeriletuǵın dáwirler aralıǵinda sońǵı xalıq dizimine hám xalıq tábiy hám de mexanik háreketine tıykarlanıp, esap jolı menen anıqlanadı: