Reja: Uy hayvonlariga ta’rif

Bir yillik mashg’ulotning taxminiy soni:
Uy hayvonlari bilan tanishtirish uchun quyidagicha mashg’ulotlar olib boriladi:

1. 
   Quyonlarni kuzatish;
   
2. 
   “Quyonlar” rasmiga qarab bolalarning hikoya qilishi;
   
3. 
   Molxonaga sayohat;
   
4. 
   Sigirlar haqida suhbat;
   
5. 
   “Qo’y o’z qo’zichoqlari bilan” rasmini kuzatish;
   
6. 
   “Uy hayvonlari” rasmini ishlash;
   
7. 
   “Ayting-chi, bu qanday hayvon” o’yini;
   
8. 
   Uy hayvonlari to’g’risida yakunlovchi suhbat.
   

Uy hayvonlari bilan tanishtirish.

Bolalarni uy hayvonlari bilan tanishtirishni quyondan boshlash yaxshiroq. Kuzatish vaqtida bolalar hayvonlarning qanday kattalikda ekanligini qo’llari bilan ko’rsatishlari va uni mushuklar, itlar kattaliklari bilan tenglashtirishlari kerak. Bolalarga “Quyonlarning tumshug’i qanday, ko’zi, quloqlari, dumi qanaqa, oyoqlari qanday?” kabi savollarni berish lozim.

Oldingi va ketingi oyoqlari uzun-qisqaligi va yurishini ko’zdan kechirish va nima uchun yurmasdan sakrashini bolalarga tushuntirib berish kerak. Quyonlarning ba’zi odatlarini belgilab olishlari kerak. Bir narsaga quloq solayotganda qulog’ini dikkaytiradi. Bolalar quyonning junlarining qanday ekanligini belgilasinlar. Mashg’ulot oxirida navbatchilarga tabiat burchagini kuzatib turish va quyon nimani yaxshiroq eyishini belgilash topshiriladi.