Режа: Транспорт корхоналари учун экскурсия хизматларини кўрсатиш нормативлари

Экскурсияда темир йўл хизматларидан фойдаланиш
• Темир йўл ташувлари.
Темир йўл йўловчи транспорти фаолиятининг асосий шахарлар ва регионлар орасида ички ва халқаро ташувларни амалга ошириш, яъни ташиш хизматларини кўрсатишдир. Халқаро қоидаларга кўра ётоқли вагон хизматлари коллектив жойлаштириш воситаларига, вагон-ресторани хизматлари эса овқатлантириш хизматларига тегишлидир.
Темирйўл ташуви шартномаси бўйича темирйўл компанияси йўловчи ва унинг юкини белгиланган пунктга сотиб олинган чиптага асосан жой билан таъминлаган ҳолда олиб бориши, йўловчи эса белгиланган тариф бўйича йўл ҳақини тўлаши, агар юки белгиланган даражадан ортиқ бўлса, юкни ташиш учун алоҳида ҳақ тўлаши лозим.
Ташиш ҳақидаги келишув сотиб олинган чипта билан тасдиқланади.
Ташиш хизматлари нархига қуйидагилар киради:
белгиланган масофага ташиш тарифлари бўйича йўлдан ўтиш ҳуқуқига тўлов;
платскарт қиймати;
йўлда содир бўладиган бахтсиз ҳодисалар учун суғурта тўловлари;
олдиндан чипта сотиш ва бошқа хизматлар учун комиссион йиғимлар. Баъзан нархга турли маҳаллий йиғимлар ва устамалар ҳам киритилади (чипталарни ишга ёки уйга олиб бориб бериш). Қўшимча хизматлар (овқат, ичимликлар, чойшаб) алоҳида тўловлар асосида кўрсатилади.
Экскурсияда автотранспорт хизматларидан фойдаланиш
Автобус саёҳатлари ҳам хусусий автотранспорт корхоналарига, ҳам туристик ташкилотлар автобазаларига тегишли бўлган транспорт, шунингдек, мустақил автотранспорт корхоналаридан ижарага олинган автобуслар ёрдамида ташкил қилиниши мумкин. Автобус саёҳатлари шаҳар ичи, шаҳар ташқариси ва халқаро саёҳатларга бўлинади.
Автобус саёҳатлари дунёда энг арзон туризм кўринишларидан ҳисобланади, шунинг учун автобус турларининг сотилишига таъсир кўрсатувчи биринчи омил нарх, кейин хизмат кўрсатиш сифати, турни таклиф қилаётган фирма имиджи, вақт сарфи ва бошқалар ҳисобланади. Истеъмолчи қулайлик учун пул тўлайди ва тўлов қаерда олиниши уни камроқ қизиқтиради. Хизмат кўрсатувчи персонал ҳам турист учун муҳим аҳамиятга эга. Ходимлар мижозлар талабларини тушунишлари ва уларнинг талабларига биноан хизмат кўрсатишлари лозим.