Режа: Режа: 1 Кириш 2

1.1. Қишлоқ хўжалигининг замонавий бозор иқтисодиётидаги ўрни ва аҳамияти.

Қишлоқ хўжалиги – Ўзбекистоннинг асосий иқтисодий соҳаларидан бири ҳисобланади. У халқ хўжалигининг ҳам энг муҳим тармоқларидан бири бўлиб, унинг барқарор ривожланишини таъминлаш давлат иқтисодиёт сиёсатининг марказида турибди. Аҳолининг ўсиб бораётган қишлоқ хўжалиги маҳсулотларига бўлган талабини, кайта ишлаш саноатини ҳом-ашё билан таъминлаш ҳамда республикани ташқи экспорт имкониятларини кучайтириш қишлоқ хўжалигининг ривожланганлик даражаси билан боғлиқ. Шунинг учун ҳам қишлоқ хўжалигининг иқтисодий ислоҳотларини чуқурлаштириш, бозор шароитларига мос бўлган янги хўжалик механизмини яратиш энг долзарб масалалардан бири бўлиб қолмоқда.
Республика қишлоқ хўжалигиида мулкчилик шаклларига кўра кооператив (жамоа хўжаликлари, хўжаликлараро корхоналар, ширкатлар уюшмалари, давлат хўжаликлари негизида ташкил этилган хўжаликлар, жамоа мулкига айлантирилган фермалар ва бошқалар), давлат (давлат хўжаликлари, наслчилик заводлари, ўқув-тажриба ҳамда тажриба хўжаликлари), хусусий (деҳқон ва фермер хўжаликлари, хусусийлаштирилган корхоналар), аҳолининг шахсий ёрдамчи хўжаликлари(шахсий эҳтиёжлар учун айрим қишлоқ хўжалик маҳсулотларини етиштириш) секторлари мавжуд. Республикада қишлоқ хўжалиги маҳсулотларининг 99 фоизи иқтисодиётнинг нодавлат секторида ишлаб чиқарилмоқда. Ялпи Қишлоқ Хўжалиги маҳсулотининг 65,5 фоизи деҳқон хўжаликларида, 24,6 фоизи қишлоқ хўжалиги корхоналарида ва 9,9 фоизи фермер хўжаликларида яратилмоқда. Қишлоқ ва сув хўжалиги вазирлиги тизимида 3312.3 минг деҳқон хўжаликлари, 72,4 минг фермер хўжалиги, 1,9 минг ширкат уюшмалари ишламоқда.

13. 
    

1^[1] Каранг: И.А.Каримов. «Ўзбекистон буюк келажак сари»