Reja: Qurol yarog‘ va o‘q dorilar bilan ishlaganda xavfsizlik choralari

Miltiq qismlarining ishlash prinsipi va uni o‘qlash tartibi. Vintovka bilan muomala qilinganda xavfsizlik qoidalari.
Miltiq qismlarining ishlash prinsipi.
Miltiqni o‘qlashda stvol qutiyaasi darchasi orqali qo‘yilgan patron oldinga zatvor bilan uni yuborish paytida vkladish qirralari bo‘ylab sirpanadi va patrondonga kelib tushadi. Zatvor bilan oldinga yuborishda tepki o‘zining jangovor holati bilan tepki prujinasi tirgagiga taqaladi va ushlab qolinadi, poya va jangovor lichenka oldinga harakatni davom ettirib, jangovor prujinani siqadi. Uloqtirgich va gil’za ushlagich patrondon kesiklariga kiradi, uloqtirgich tishi gilza chetiga sakrab oladi. Zatvor poyasi ushdagichini quyi holatga bo‘g‘umli kesik bo‘ylab tushirishda zatvor mahkam stvol kanalini berkitadi.
Tepkiga bosishda u o‘z o‘qi atrofida buraladi va tepki prujinasi tirgagini cho‘ktiradi, bunda u jagovor holatdan chiqadi.
Jangovor prujina ta’sirida zarbalagich jangovor lichinka kanali bo‘ylab oldinga beriladi. Jangovor lichinka kosachasidagi oraliq orqali o‘tgan boyok gilzaga zarba beradi va otilish sodir bo‘ladi.
Miltiqni o‘qsizlantirishda zatvor ushlagichini yuqoriga burashda poya keskilari tepkining kerakli do‘nglari bo‘ylab siljiydi va tepeini, u bilan birga zarbalagichni ham siqadi.
Zatvorni orqaga olishda uloqtirgich gilzani patrondondan chiqarib tashlaydi, vkladishning do‘ngiga taqalib, gilza stvol qutichasi darchasi orqali uloqtiradi. Sung tepkining jangovor holati tepki prujinasi tirgagi tagidan utib, undan cho‘kadi . Jangovor holatdan keyin prujina ko‘tariladi va tushib qolishdan zatvorni ushlab qoladi.
Sport otishmasi uchun jangovor o‘t ochish 5,6 mm li yoppasiga va nishonga ko‘ra otiladigan kichik kalibrli patronlar ko‘llaniladi.
Miltiqni o‘qlash tartibi: Miltiqni yotib olib otish holatida miltiq qo‘ndog‘ining bosh qismini o‘ng qo‘l bilan ushlab o‘ng oyoq bir qadam oldinga tashlanadi va oyoqni biroz o‘ngroqqa olib, oldinga engashib, chap oyoqni egib chap qo‘l bilan erga yotib chap oyoqning tovoni erga qadaladi va chap qo‘lni ko‘ksiga olinadi. CHap tomonga yotgan holda qorin tomonga tez o‘girilib erkin holda oyoqlarni tovoni bilan yozib yuboriladi. Miltiq g‘ilofi (poyasi)dan o‘ng qo‘lning kaftiga olinadi.
Kichik kalibrli miltiqni o‘ng qo‘lda zatvor ushlagichidan orqaga tortib, stvol qutisining ochilgan joyiga o‘ng qo‘lning bosh va qo‘rsatkich barmoqlari yordamida o‘qni olib uni o‘qdonga solinadi. O‘qni bosh barmoq bilan oldinga, stvolga to‘liq kirguncha yo‘naltiradi, so‘ngra o‘ng qo‘l bilan zatvor yopiladi.