Режа: Педагогик маҳорат ҳақида тушунча. Унинг моҳияти

Ўқитувчиларнинг касбий педагогик тайёргарлиги шартли равишда қуйидаги йўналишларда олиб борилади:

• Ўқитувчининг шахсий фазилатлар бўйича тайёргарлиги.
• Ўқитувчининг руҳий – психологик тайёргарлиги.
• Ўқитувчининг ижтимоий – педагогик ва илмий – назарий жиҳатдан тайёргарлиги.
• Ўқитувчининг махсус ва ихтисосликка оид услубий билимларни эгаллаб бориши.

Юксак педагогик маҳоратни шакллантиришни таъминловчи омиллар қуйидагилар:

• ихтисослик бўйича ўқув предметини, замон, илм–фан, техника тараққиёти даражасида мукаммал билиши, унинг бошқа ўқув фанлари билан ўзаро алоқадорлигини таъминлаш малакасига эга бўлиши;
• таълим олувчиларнинг ёш, физиологик, психологик ҳамда шахсий хусусиятларини ҳисобга олиши, уларнинг фаолиятини объектив назорат қилиши ва баҳолаши;
• таълим жараёнини демократлаштириш ва инсонпарварлаштириш асосида ўз фаолиятини ташкил этиши;
• ўқув – тарбиявий жараённи замон талаблари даражасида ташкил қилиш учун асосий педагогик– психологик ва методик маълумотларга эга бўлиши;
• фанларни ўқитиш жараёнида замонавий ахборот технологиялари имкониятларидан кенг фойдаланишни билиши;
• жамоани «кўра билиш», ўқувчиларнинг қизиқишлари, интилишлари, уларнинг ҳаёт фаолиятларида учрайдиган қийинчиликларни тушуниш ва ҳамдард бўла олиш, ўз вақтида улар фикрини англай билиш, зукколик билан ҳар бир боланинг характер хусусияти, қобилияти, иродасини тушуниш ҳамда уларга муваффақиятли таъсир кўрсатишнинг шакл, усул, воситаларидан хабардор бўлиши;
• ўз шахсий сифатлари (нутқининг равонлиги, ташкилотчилик қобилияти, бадиий эҳтиёжи, диди ва ҳоказо) ни такомиллаштириш малакасига эга бўлиши.

ПЕДАГОГИК МАҲОРАТ ФАНИНИНГ АСОСИЙ ТАРКИБИЙ ҚИСМЛАРИ

Нутқ малакаси ва техникасини мукаммал ўзлаштириш.

2.Тушунарли, таъсирчан фикр ва ҳис-туйғуларни сўзда аниқ ифодалаш.

3. Мимик ва пантомимик ҳаракатлардан ўз ўрнида фойдаланиш.

4. Маъноли ва очиқ чеҳрали нигоҳ билан қараш.

5. Ҳиссий психик ва тасодифий ҳолатларда ўз ҳис-туйғуларини жиловлай олиш.

6.Турли вазиятларда тарбиячига хос бўлган ижодий кайфиятни бош­ қариш.

7. Кулги ва табассумда самимийликни эътироф этиш.

8. Ўқувчилар билан доимо яхши кайфият ва рағбатлантирувчи муно­сабатда бўлиш.

9. Саводли ва соф адабий тилда сўзлаш.

10. Аниқ имо-ишораларни ўз ўрнида ишлата олиш.

11. Ижодий педагогик қобилиятини қўллай билиш.

12. Юксак замонавий ахборот технологиялари ва портал тизимидан эркин фойдалана олиш.

13. Муошарат одобига доимо риоя қилиш.