Reja: O‘zbekistonda ko‘ppartiyaviylikni vujudga kelishi

SIYOSIY PARTIYALAR

Siyosiy partiyalar bugunga kelib, dunyoning rivojlangan davlatlarida xalq bilan xokimiyat o’rtasida asosiy bog’lovchi bo’g’in bo’lgan demokratik institutga aylandilar. Bundan xulosa shuki, siyosiy partiya jamiyatning bir bo’lagi bo’lib, u muayyan gurux yoki qatlamning maqsad va manfaatlarini ifoda etuvchi, uni umumdavlat va umummillat manfaatlari bilan uyg’unlashtirgan xolda faoliyat ko’rsatadigan, rivojlanishning siyosiy yo’nalishlarini aniqlab beradigan siyosiy tashkilotdir.

Siyosiy partiya odatda muayyan siyosiy dastur asosida faoliyat ko’rsatadi. Buning boisi — siyosiy partiya atrofida jamiyatning muayyan guruxlari, tabaqalari, sinflari mahlum bir maslak, g’oya asosida birlashadilar.

PARTIYALAR FAOLIYATINING HUQUQIY ASOSLARI

O‘zbekiston Respublikasi ham shu yo‘ldan borishni o‘z taraqqiyotining asosiy mezoni qilib olgan va bu borada amaliy qadamlar qo‘ymoqda. Albatta, siyosiy partiyalar jamiyatda amal qilishlari lozim bo‘lgan huquqiy maqomlarni bilmasalar harakat dasturlari nechog‘lik oliyjanob bo‘lmasin, uni amalga oshirib bo‘lmaydi. Shu ma'noda O‘zbekiston Respublikasi Oliy Majlisining 1996-yil 25- dekabrda qabul qilgan «Siyosiy partiyalar to‘g‘risida»gi qonun katta ahamiyat kasb etadi. Unda ko‘ppartiyaviylikning asosiy mezonlari, siyosiy partiyalar faoliyatining huquqiy asoslari har tomonlama ko‘rsatib berilgan.